The Definitive Guide to Living in the Capital , Cairo , Egypt

المكتبات هي جنة عشاق الكتب، والقاهرة فيها مكتبات كتير مميزة، وفي السطور الجاية هنعرف مع بعض أفضل المكتبات دي.

جوائز اختيارات المحررين لأفضل المكتبات لعام 2017:

مكتبة ديوان – Diwan Bookstore:

بظهورها قدرت أنها تسهّل حياة أي شخص “دودة كتاب” في القاهرة؛ لأنها مش بس عندها كم رهيب من الكتب المتنوعة في كل المجالات، ده كمان ممكن تعمل أوردر لكتاب ييجي لك من بره مصر ومن غير أي مصاريف إضافية.

الكتب خان – Al Kotob Khan:

من أول الكلاسيكيات حتى الكتب المعاصرة والأدوات المكتبية كمان، الكتب خان قدر في وقت قياسي أنه يكون من أهم الأماكن المتخصصة في بيع الكتب في القاهرة.

لينرت & لاندروك – Lehnert & Landrock:

المكتبة نفسها كتاب في حد ذاتها، لينرت & لاندروك تعتبر قصة حياة أصحابها اللي تنقلوا بين بلاد كثيرة والمتجسدة في مجموعة الصور الفوتوغرافية المعروضة في المكتبة، ده غير مجموعة الكتب المختلفة اللي المكتبة بتعرضها.

مكتبة أ – Alef Bookstore:

مكتبة أ مش بس قدرت توصل لمحبي القراءة في مختلف المحافظات بكم كبير من الفروع، دي كمان بتقيم على مدار الشهر فعاليات وحفلات توقيع كثيرة لأحدث إصدارات كبار الكتاب.

مكتبة الشروق – Shorouk Bookstore:

المكتبة التابعة لأشهر دار نشر في القاهرة –دار الشروق- بتمتاز أنها منتشرة في كل مناطق القاهرة، زائد أنها على طول فيها أحدث الإصدارات العربية والعالمية لكبار الكتاب.

ألوان – Alwan:

قدرت مكتبة ألوان، إنها تغطي احتياجات كتير من الجمهور، للأدوات المكتبية المختلفة. وحققت مكان لها في قائمة الفائزين السنة دي.

بكير – Bakier:

كل الأدوات المدرسية والشنط، وأي حاجة هيحتاجها مكتبك أو مدرستك، هتلاقيها في فروع مكتبة بكير. الموجود في اكتوبر والمعادي وهليوبوليس.

مبروك لكل الفائزين!