The Definitive Guide to Living in the Capital , Cairo , Egypt

كتب
ولاد 60 أزمة

ولاد 60 أزمة: ديوان شعر مليان حنين

  • عادل الشربيني
  • ديوان شعر
  • من الآن
  • عربي عربي
  • 20 EGP
  • مكتبات القاهرة
تم التقييم بواسطة
Ahmed Abd El Gawad
قيم
قيم الآن
ولاد 60 أزمة: ديوان شعر مليان حنين

“ولاد 60 أزمة” ديوان شعر جديد، محتاج تركيز وهدوء وانت بتقراه، علشان الأزمة مش أي أزمة، إحنا بنتكلم عن أزمة مختلفة جدًا، أزمة في حاجات كتير، أزمة من نوع تاني غير الأزمات اللي بنعيشها، بتوقيع الشاعر عادل الشربيني.

التقسيمات:

قبل ما نتكلم عن أي حاجة في الديوان، لازم نتكلم عن تقسيماته المختلفة والجديدة، الديوان مش مجرد مجموعة قصايد ورا بعض، لكنه قصايد متقسمة بشكل تاني، كل مجموعة مع بعضها بتخلق عالم، علشان تعيش فيه، الشاعر قرر يبدأ التقسيمات والديوان بقلبه اللي شبه الكون

قلبي عالم

وأنت وحدك ساكنة جوا

قلبي

بيساع 1000 حوا

بس لما سكنتي أنت

كان.. زحام

قلبي دولة

وأنت حاكمة بأمره هو

أنت أولى

والقرار من غير مداولة

مجموعة قصايد بتتكلم عن عالم من العشق اللي جاي من بلاد الغربة والوجع والصدمة والصفاء، لعالم الحب والقرب من الحبيب، وبعدها هنلاقي تقسيمة تانية لقصايد بتتكلم عن الحب الأكبر حب البلاد والأرض، حب الوطن، أما التقسيمة التالتة فدي مخصوصة للثورة واللي حصل فيها، مش مجرد تأريخ للموضوع، لكنه حلم كمله الشاعر شعر، رؤية تانية للثورة من عين شاعر قرر يخوض تجربة الكتابة، وبمناسبة الكلام عن التجربة، الشاعر عادل الشربيني عمل فكرة جديدة في الديوان، وهي إنه خلى آخر جزء في الديوان، قصتين شعريتين، ومع إن الموضوع مجهد جدًا في الكتابة، لكنه كتب قصة بالشعر، وحكى وحكى، لدرجة إنك هاتنسى إنه شعر، وهاتحس إنه قاعد بيحكي معاك.

التركيب:

أكتر حاجة هتشدك في الديوان ده هي التركيبات اللي بيلعب عليها الشاعر، بيخليك تقف قدامها وأنت عايز تقوله جبتها منين دي، التركيبات موضوع تاني في الكتابة، عالم من الإبداع بيخليك تستدعي كل جميل لما تقراه، واللغة عند عادل هادية ومش متكلفة، لغة بسيطة بتوصل للقلب بسهولة علشان طالعة من قلب الوجع بيقول:

يا شعرا قوموا اتكلموا

واستلهموا.. بيت القصيد

من بحر علم الانتماء

الداء ساعات يكون غشاش

وساعات يكون حاصل

الشاعر عنده قدرة إنه يتنقل بين ألوان مختلفة من الصور البسيطة والصور الممتدة، والصورة المتركبة مع تشكيل النص ومع التراكيب كمان..

يا شمس يا أم النور

إرمي علينا الدفا

إيدينا متكتفه

وانتي الوحيدة الأمل

وصلنا سفح الجبل

بس الجبل… مابلغش

الحالة:

ديوان ولاد 60 أزمة حالة من الحب والثورة والدوبان في الوطن، وشيل هموم الناس، والمجتمع، بينقل صور مختلفة لحياة شاب عاش في الغربة، وحب واتحب، وبيحن لوطنه، وشاف الثورة واللي حصل فيها، فعمل كل ده مزيج كامل من الشعر، كتب فيه ولاد 60 أزمة نفسهم تتحل.

عجبك ؟ جرب

ياسمين في بلاد دينجا للشاعر/ أكرم حسن

عن الكاتب

شاعر مصري شاب

أكتب تقييم

أضف تعليقاً

يجب أنت تكون مسجل الدخول لتضيف تعليقاً.

مقترح