The Definitive Guide to Living in the Capital , Cairo , Egypt

الصور من صفحة عمرو دياب الرسمية على فيسبوك

حالة اهتمام كبيرة من جمهور المطرب عمرو دياب بألبومه الجديد “سهران”، واللي صدر مساء الأربعاء وبيحتوي على 14 أغنية جديدة، مع شركة ناي.

في السطور الجاية هنقولكم على 6 معلومات مهمة عن الألبوم ده، زي ما نشرهم موقع المصري اليوم.

– بيتضمن الألبوم 12 أغنية جديدة وهي: “سهران، يا روقانك، هيعيش يفتكرني، أنت زي ما أنت، حلوة البدايات، عم الطبيب، مكانك في قلبي، قلبي متعلق، روح، جامدة وبس، جميلة، مبقاش يناسبك”، بالإضافة لأغنيتين سمعناهم قبل كده وهما: “يوم تلات، قدام مرايتها”.

– بيتعاون عمرو دياب في الألبوم ده مع الشعراء تامر حسين، وخالد تاج الدين، وأيمن بهجت قمر، وأحمد المالكي، وتركي آل الشيخ، ومع الملحنين عمرو مصطفى، ومحمد يحيي، وشريف بدر، وعزيز الشافعي.

– تعاون عمرو دياب في الألبوم ده مع أكبر عدد الموزعين، وهما: “نادر حمدي، أسامة الهندي، طارق مدكور، ورامي سمير”، واللي قاموا بتوزيع أغنيات الألبوم، كمان ييتعاون عمرو دياب في الألبوم للمرة الأولى، مع الشاعر شادي نور، والملحن بلال سرور.

– الألبوم بيحتوي على أغنية بتشهد أول تعاون بين عمرو دياب وبنته جانا كمطربة وملحنة، والأغنية بعنوان “جميلة” وهي من كلمات شادي نور وألحان بلال سرور وجانا، بتغني جانا فيها مقطع باللغة الإنجليزية.

– ظهرت في الألبوم لأول مرة موهبة أحمد زغلول مدير أعمال عمرو دياب، واللي قدم في الألبوم أغنية من كلماته وألحانه، وهي أغنية “روح”، ودي المرة الأولى اللي بيتعامل فيها زغلول مع دياب فنيًا رغم مشوارهم الطويل مع بعض.

– عمرو دياب، فاجأ جمهوره بـ “مهرجان” لأول مرة، وهي أغنية “مبقاش يناسبك”، واللي بتقول كلماتها: “أنا هعمل مهرجان مهرجان وخلاص هنسى اللى كان مهما كان.. وحكايتي معاك كان ياما كان هتعشها عليا ليه”.