The Definitive Guide to Living in the Capital , Cairo , Egypt

مطاعم
آشاز – Asha’s

آشاز: أكل هندي رائع في الجيزة

تم التقييم بواسطة
Anne de Groot
قيم
قيم الآن
آشاز: أكل هندي رائع في الجيزة

موجود في الجيزة، أحدث مطعم آسيوي وبالتحديد
هندي فتح في العاصمة. اسم المحل على اسم المطربة الهندية (آشا بوسل) وكل الأكلات
في المطعم عبارة عن الوصفات الخاصة بالنجمة الهندية الشهيرة.

تصميم المحل مافيهوش غلطة، ستائر مطرزة على
الشبابيك ودهانات ذوقها رفيع على الجدران. وكمان «آشاز» عنده أجمل مناديل سفرة
وحمالات خاصة بهم ممكن تشوفها في حياتك. فيه أركان مريحة زي الأكشاك ممكن تقعد
فيها وفيه ترابيزات صغيرة بـ تطل على النيل. استقبلنا المضيفين بترحاب شديد
ووجهونا لترابيزتنا وبسرعة كان الجرسون واقف أمامنا.  

المنيو متنوع جدًا في «آشاز»، بيف بقري
وضاني وأسماك وجمبري بالإضافة لـ 15 طبق للنباتيين. لمحنا في المنيو صوصات
ومشهيات كثير بـ تتقدم مع الأكلات زي زبادي الخيار والنعناع وثمرة البابايا
اللذيذة ورقائق البابادمز وكوكتيل “ديفلز دلهي” اللي فيه رمان وليمون
ونعناع ومغطى بشربات الجنزبيل وسعره 24 جنيه. وفيه شاي مثلج بالقرفة والنعناع (19
جنيه). كوكتيل دلهي لذيذ ومنعش ومزز شويتين. والشاي المثلج ما كانش واضح فيه طعم
القرفة لكن كان حلو برضه.

بدأنا بطبق (شينجلي تشاب) كمشهيات وهو
عبارة عن جمبري كبير مقلي ومتغطس في صوص الجنزبيل والزبادي بالثوم (145 جنيه) وده
كان واحد من أغلى الأطباق في المنيو. والمشهيات الثانية زي الساموساس بـ تبدأ بـ
35 جنيه. الجمبري كان فريش ومقرمش وخلطته حارة ولذيذة، لكن اللي يضايق فعلًا أن
الطبق كان فيه 3 وحدات جمبري بس! بـ 145 جنيه! أكيد كنا متوقعين كمية أكبر من كده
بكثير.

في الوجبة الرئيسية جربنا (مورج ماخاني) وده
عبارة عن دجاج بالزبدة وصوص الطماطم والكريمة الحارة بـ يُقدم جنبها علشان تغمس
فيه عيش النان الهندي (10 جنيه) والطبق ده كان بـ 105 جنيه. الدجاج كان مشوي على
الجريل كويس قوي، وكان غرقان في التوابل الهندية.

طبق (جوشت مسقط) صعب تعرف من اسمه أنه قطع بيف صافى مطبوخ بالزبدة وصوص الطماطم. سعره كان 119 جنيه. وده من أكثر
الأطباق اللي ممكن تأكلها من المطبخ الهندي المشهور بالصوصات الكثير
والقوام الطري. البيف كان ناعم وطازج وصوص الطماطم حار كالعادة. لكن
لقينا قطع صغيرة من العظم أو حاجات ما ينفعش تتاكل وسط الطبق، وشكينا أنها ممكن
تكون عيدان القرفة الصغيرة. وفي النهاية على قد ما الطبق كان غريب، كان طعمه مميز
وعجبنا.

اختتمنا الوجبة بحلقات التفاح المغموسة في
الزبدة والمقلية في شربات معسل جدًا وبـ تقدم مع آيس كريم الفانيليا، اسم الطبق
(جاليبي) وسعره 40 جنيه. ورغم أن الفكرة جديدة والتفاح كان طعمه حلو لكن ما عجبناش
قوي.

الموظفين في المحل كانوا لطفاء جدًا بس
المشكلة أنهم مركزين زيادة مع الزبائن وبالذات مع رأيهم في الأكل وطعم كل طبق.
الجرسون أو الشيف أو مدير المحل ممكن يسألك كل 5 دقائق عن رأيك في الحاجة اللي بـ
تأكلها! لكن لو الموضوع ده مش فارق معاك يبقى هـ تحب أكل «آشاز» وهـ تستمتع بطعم
هندي أصيل.

نصيحة 360

ممكن تحجز مكان صغير مخصوص بـ يطل على النيل لعدد معين من الأفراد علشان لو حابب تعمل تجمع صغير أو جلسة عمل.

أحسن حاجة

الدجاج بالزبدة.. خرافي.

أسوأ حاجة

الحاجات الصغيرة اللي مش عارفين هي إيه في طبق (جوشت مسقط)!

أكتب تقييم

أضف تعليقاً

يجب أنت تكون مسجل الدخول لتضيف تعليقاً.

مقترح