The Definitive Guide to Living in the Capital , Cairo , Egypt

رنا شرف

الصيف.. موسم الانبساط والخروج والاستمتاع بالشمس، وبما إننا لسة في الموسم ده، فإحنا مكملين معاكم زيارتنا لأجمد مطاعم خارج القاهرة. النهارده قررنا نروح الساحل الشمالي، علشان نستمتع بأكلة سمك من عند “ابن حميدو”، اللي هو واحد من أهم مطاعم السمك في الساحل، وله فروع كمان في القاهرة.

المطعم شيك، وده هتلاحظه بمجرد ما تدخل المكان، اللي هتحس كمان إنه واسع ومريح، وفريق العمل هناك مبتسم، وده بالنسبة لنا شيء حلو، لأن أي مكان بتدخله وتلاقي ابتسامة حلوة في انتظارك، ده بيدي انطباع أولي جميل عن المكان.

نيجي بقي للأطباق، في البداية طلبنا مجموعة سلاطات، منها سلاطة طماطم مخللة، وكنت حلوة قوي، وسعرها 30 جنيه، وسلاطة الطحينة سعرها كان 20 جنيه، بس لو كنت أتقل شوية كانت هتبقى عظمة.

طلبنا كمان بطاطس حارة، ودي سعرها كان 20 جنيه. والحقيقة كانت مظبوطة ومعمولة بطريقة جميلة.

أول طبق جربناه كان شوربة “ابن حميدو”، ودي عبارة عن شوربة كريمة بالسي فود، الطبق كان عظمة وفريش، وسعره 78 جنيه، وكمان كميته معقولة، والجمبري فيه حلو وكتير.

طلبنا كمان سمكة سيبيا، وكنت حلوة وفريش، سعرها كان  200 جنيه، وكانت معمونلة صح، ومتقدمة بطريقة مميزة، وكل تفاصيلها جميلة.

بشكل عام تجربتنا كنت حلوة قوي، وأكيد هنكررها تاني.

عنوان فرع “ابن حميدو”: الساحل الشمالي الكيلو 129 أمام قرية مراسي.