The Definitive Guide to Living in the Capital , Cairo , Egypt

اختيارات كايرو 360: أجمد المطاعم الإيطالية في القاهرة لعام 2018
بواسطة
Cairo 360

مدمنين الأكل الإيطالي، وخاصة البيتزا، موجودين في كل مكان في العالم. علشان المطبخ الإيطالي من أشهر المطابخ العالمية. وعندنا في القاهرة مطاعم كتير بتتنافس تقدم أفضل الأطباق الإيطالية المميزة. وفي المقال ده هنعرفكم على الفائزين بجوائز اختيارات محرري كايرو 360 لعام 2018 في فرع المطاعم الإيطالية:

كراست – Crust

كراست قدر يميز نفسه عن باقى مطاعم البيتزا. وقدم لنا عجينة بيتزا مميزة وطعمها مختلف.

بريموز بيتزا –  Primo’s Pizza

البيتزا كل ما كانت تشيزي أكتر، كل ما كانت أحلى. ودي حاجة بتميز  بريموز بيتزا بكل تأكيد.

ذا وايت أول – The White Owl

الباستا لها عشاقها اللي صعب إرضائهم بأي حاجة أقل من المستوى. ذا وايت مكان صعب ماتعجبكش البيتزا بتاعته، لأنه عارف إزاي يرضي كل الأذواق.

أوليفو –  Olivo Pizzeria

البيتزا في أوليفو الزمالك، هتاخدك لعالم تاني. سواء بالطعم أو المكونات، وكمان خدمة المكان هايلة. ودي كلها أساسيات تبني أي مكان ناجح.

بيلا –   Bella

المطبخ اللي يطلع الأكل الإيطالي الصح، بيحتاج وقت طويل ومكونات كتيرة، علشان يطلع مظبوط 100%. وده اللي هتلاقيه وأكتر في مطعم بيلا، في فندق فور سيزونز نايل بلازا.

عيش وملح –  Eish + Malh

لما يبقى الأكل إيطالي بطعم تحفة، وكمان خدمة وأسعار مايقبلوش المنافسة. يبقى أنت أكيد في مطعم عيش وملح في وسط البلد.

لا تراتوريا –  La Trattoria

لا تراتوريا هتاكل فيه بيتزا مالهاش مثيل في أي مكان تاني. وده اللي مخليه واخد وضعه بشكل قوي، وسط كل مطاعم البيتزا في مصر.

بانيه فينو –     Pane Vino

في بانيه فينو، هتستمتع بفيو تحفة، وهتاكل بيتزا اتحطت فيها كل المكونات اللي تبهرك. وأنت قاعد جوه فندق إنتركونتيننتال سميراميس، في جاردن سيتي.

مقترح