The Definitive Guide to Living in the Capital , Cairo , Egypt

مطاعم

اختيارات كايرو 360: أجمد مطاعم الأكل العالمي في القاهرة لعام 2018

أفضل المطاعم العالمية أكل عالمي اختيارات كايرو 360 اختيارات كايرو 360 لعام 2018 الأفضل في القاهرة مطاعم القاهرة مطاعم عالمية
اختيارات كايرو 360: أجمد مطاعم الأكل العالمي في القاهرة لعام 2018
بواسطة
Cairo 360

المطبخ العالمي يعني كل الأصناف اللي بتحبها متجمعة لك في مكان واحد من أول الإيطالي لحد الأمريكي والفرنساوي، اللي بيفرق هو إزاي الأصناف دي اتنفذت علشان تبسط اللي بياكلها، وعلشان كده فريق #كايرو_360 اختار لكم الأفضل في مطاعم الأكل العالمي لسنة 2018.

اعرفوا معانا الفائزين في فئة أفضل المطابخ العالمية فى جوائز اختيارات محرري كايرو 360 لعام 2018:

 

 

كريف – Crave

المكان المفضل لأي حد بيحب الأكل المعمول بحرفية ومزاج، كريف من الأماكن النادرة اللي لسه محافظة على مستواها االلي بدأت بيه، وبتطور دايمًا من نفسها علشان تفضل على نفس المستوى. وقدرت تكون المصباح السحري لأي أسرة مصرية اختيارتها مختلفة.

 

 

كولينا –Culina

كولينا جمعت أكتر من مطبخ عندها وقدمتهم بحرفية شديدة ما بين أنواع الباستا للأكل الهندي للسوشي حاجة ما تتوصفش، الأكيد إن أيا ما كان اللي بتدور عليه هتلاقيه هناك وهيعجبك علشان تروح مبسوط من أكلة ملوكي.  

 

 

كازلاك – Kazlak

من الأماكن اللي تخليك تاكل كل حاجة هناك بسعادة، صحيح الأطباق مناسبة لذوق معين، لكن طريقة وجودة التقديم والحرص على إتقان كل حاجة هناك من الأسباب اللي تخلينا عاوزين نروح هناك دائمًا.

 

 

مو بيسترو – Mo Bistro

“مو بيسترو” بيقدم لك تجربة نادرة أكيد هتبهرك ما بين الكمية الكبيرة للأطباق والجودة الممتازة لكل حاجة جربناها هناك، مغامرة مختلفة في المهندسين ما تتفوتش.

 

 

تيدز – Ted’s

تيدز هو الهدية اللي ممكن تخلينا نروح سيتي ستارز مخصوص، ما بين البيتزا والمكرونة والحلو اللي يجنن، تيدز قدر يبهرنا بوصفاته ومستواه الثابت، والأكلات اللي بيعملها بشغف.

 

جي دبليو ستيك هاوس – JW Steakhouse

حكاية حب مليانة تفاصيل مبهجة مع جي دبليو ستيك هاوس، لو عاوز تستمتع بتجربة مختلفة من الأول للأخر يبقى ده مكانك.

 

وان أوك – One Oak

كل حاجة هناك محسوبة بالمسطرة من أول اختيارك لنوع الستيك لحد بار السوشي اللي مش هتقدر تقاوم تختار منه، تجربة مبهجة لذوق أكل راقي مغري جدًا.

 

 

كريمزون بار أن جريل – Crimson Bar & Grill

من الأماكن النادرة اللي ممكن تسحرك بتقديمها لأطباقها، ما بين المولتن لازانيا والستيك حبينا كل حاجة في المكان، وبنعتبره من أماكننا المفضلة اللي عارفة كويس جدًا هي بتقدم إيه.

 

ذا إدواردز – The Edward’s

ديكورات مميزة ومنيو متنوع قدر ياخدنا لمكان مميز في التجمع، بيجمع ما بين الأكلات المختلفة والذوق الرفيع في التجمع. 

 

يو بيسترو & بار – U Bistro & Bar

الأكل ما يكملش من غير قعدة حلوة، ويو بيسترو مش بس بيقدم أكل ممتاز لكن كمان ديكور مميز وجو لطيف.

 

 

ذا سموكرى – The Smokery

أطباق معمولة بحرفية خاصة السالمون هناك لازم تجربه، المكان مع طريقة التقديم والأطباق المغرية هتخليكم مش عاوزين تروحوا.

 

أبيريتيفو – Aperitivo

 مهما يعدي وقت لازم نروح نجرب أبيرتيفو ونستمتع بكل الأكلات الشهية اللي بيقدمها، والقعدة المريحة اللي هناك.

 

بيسترو 10 – Bistro No. 10

ساندويتشات من اللي قلبك يحبها بكل النكهات المغرية والمتناسقة برغم غرابتها اللي ممكن تبان لك في الأول، لكن الطعم حكاية.

 

كاسبر & جامبينيز – Casper & Gambini’s

من الأماكن القليلة اللي محافظة على مستواها وفعلًا بتقدم مجموعة متنوعة في الأكلات، ما بين الأكل الهندي للأسيوي للبيتزا أو اللازانيا، بتسافر أكثر من بلد وأنت في نفس المكان، مستوى راقي لأكلات شهيدة دايمًا.

 

لا تابرنا – La Taberna

 

لو هنتكلم عن الأناقة في التقديم والطعم المميز ما بين أكلات من مطابخ مختلفة يبقى لازم نتكلم عن لا تابرنا خصوصًا فرعه في الشيخ زايد اللي قادر يخليك تستمتع بكل حاجة بتاكلها هناك.

 

 

إسكا – ESCA

 

لمسة إبداعية في كل طبق بيتقدم، بيوصلك دائمًا إحساس بالرقي مع طعم مميز في كل حاجة بتطلبها. تجربة ما تتحكيش تتعاش.

 

 

أيون-AEON

 

ما بين الأطباق المبتكرة اللذيذة والديكور المميز، نقل لنا أيون روح جديدة ما نقدرش نستغنى عنها.

 

 

وان أوك – One Oak

 

مكان مختلف مناسب لعشاق السوشي والستيك وبرغم إنه بيجمع مع بين صنفين صعب جدًا تنفيذهم ببراعة، لكنه بيبدع فيهم، وبيقدم أنواع مختلفة بتوديك لتجربة مميزة.

 

 

مقترح