The Definitive Guide to Living in the Capital , Cairo , Egypt

البحث عن أحلى بيتزا في القاهرة بقى هاجس بالنسبة للناقد، في معظم
الكافيهات والمطاعم في المدينة هـ تلاقي قسم صغير في المنيو للبيتزا بدون اختيارات
كثيرة في أنواعها وبـ تبقى دائمًا مش حلوة. لازم تجرب «بيتزا ماستر – Pizza Master» في منطقة الهرم في شارع فيصل، وكمان عندهم خدمة
بيتزا واحدة تساوي اثنين وده بـ ينطبق على كل أنواع البيتزا في المنيو.

المحل مقسم إلى
دورين، الدور الأول في الكاشير ومخصص لطلبات التيك أواي ومكان صغير للانتظار، أما
تطلع السلالم هـ تلاقي المطعم نفسه في الدور الثاني، المكان واسع ومش على طول زحمة،
مكان السلاطة موجود في منتصف المطعم وبـ 16 جنيه هـ تأخذ طبق سلاطة حجمه كويس وتملأه
بس مرة واحدة فقط، فيه أنواع مختلفة كثيرة ممكن تختار منها بداية من الخيار لغاية
سلاطة الفاصوليا الحمراء والفاصوليا الخضراء المخللة، وفيه كمان مجموعة متنوعة من
الصوص للسلاطة ممكن تختار منها.

المنيو مقسمة
إلى 6 أقسام بيتزا: البيف، الفراخ، محبي الجبنة، حار وسبايسي ومارجريتا. البيتزا
السادة المارجريتا بـ 40 جنيه الحجم الكبير، 32 جنيه الوسط و18 جنيه الصغيرة.
البيتزا ممكن تضيف عليها أي إضافات من أول 7 جنيه لـ 12 جنيه حسب الحجم.

الناقد بـ يرجح
أنك تجرب بيتزا من قسم محبي الجبنة زي البيتزا اللذيذة المكونة من مزيج ثلاثة أنواع
جبنة وخاصة لما راح فرع مدينة نصر. مزيج بيتزا كاليفورنيا مكون من موتزاريلا، شيدر
وجبنة رومي كان طعمها غني و كريمي على البيتزا البان.

قسم الحار
والسبايسي كان غير معقول وما كانش فيه طعم وسط في الحاجات الحارة. من أكثر الأنواع
الحلوة هي الجمبري الحار بـ 46 جنيه والتونة الحارة بـ 41 جنيه للحجم الوسط. 

لو أطباق
البيتزا ما كانتش بـ تعجبك في القاهرة، ويأست –زي الناقد- أنه يلاقي عيش بالثوم طعمه
كويس، روح «بيتزا ماستر» لأنهم بـ يعملوه بطريقة رائعة، العيش فريش والثوم والزبدة
كثير، العيش بالثوم السادة بـ 5.50 جنيه للثلاث قطع، والعيش بالثوم والجبنة بـ
8.50 جنيه والببيروني بـ 9.50 جنيه. المشروبات الغازية بـ 6 جنيه، العصائر الصابحة
بـ 9 جنيه وبـ تتغير حسب فصول السنة.

«بيتزا
ماستر» بـ يعتمد على أسلوب أنه يملأ البيتزا بإضافات كثيرة، والأسلوب ده بـ ينفع مع
محبي بيتزا الجبنة بس الحار والسبايسي ما ينفعش معاه لأنه بـ يبقى حار جدًا.

المكونات بـ تبقى فريش وطعمها حلو، لكن العجينة لسه ناقصها
حاجة، ولكن مازال البحث مستمر.