The Definitive Guide to Living in the Capital , Cairo , Egypt

مطاعم
بيتزا وان – Pizza one

بيتزا وان: أنواع بيتزا وساندويتشات مختلفة فى هايبر وان الشيخ زايد

  • داخل هايبر وان - الشيخ زايد
  • بيتزا
تم التقييم بواسطة
Angie El Batrawy
قيم
قيم الآن
بيتزا وان: أنواع بيتزا وساندويتشات مختلفة فى هايبر وان الشيخ زايد

وأنت بـ تتسوق فى مول هايبر وان الشهير فى الشيخ زايد أكيد رجلك هـ توجعك وهـ تجوع، وجع الرجلين مالوش حل، لكن الجوع له ألف حل هناك، بكمية المطاعم وأماكن الأكل خاصة فى الدور العلوي، اللى إلى حد ما مش كثيرة لكنها بـ تفى بالغرض، منها اللى تابعة للمول ومنها اللى مشهورة زي دجاج كنتاكى وغيرها.

من المطاعم دي "بيتزا وان – Pizza One" واللى مجاور لـ "آيس كريم وان"، ودول من الأماكن اللى تابعة للمول، المنيو فيه أصناف كثيرة جدًا ومتنوعة، المكان لأول وهلة تحس أنه متخصص فى البيتزا بس، لكن فيه كمان أنواع سلاطات فريش ولذيذة، وكمان ساندويتشات شاورما وهوت دوج وشيش طاووق وبرجر وحواوشي (عادى وكومبو) و3 أنواع مكرونة.

البيتزا متاحة كـ Slice (سعرها بـ يتراوح بين 15 لحد 19 جنيه) أو حجم وسط (من 29 لحد 38 جنيه) والكبير (من 41 لحد 55 جنيه)، وفيه أصناف جانبية زي البطاطس (5.95 جنيه) وخبز بالثوم والجبنة (5.95 جنيه)، وجميع أنواع السلاطات (نفس السعر) منها البطاطس بالمايونيز والبسلة والبنجر والكول سلو.. إلخ.

المكان جربناه كذا مرة، البيتزا عنده وهمية مافيش كلام، مكونات فريش ومشبعة حتى الـ Slice منها، عامة أى حاجة بـ تحمل علامة "هايبر وان" جودتها مافيش كلام عليها، جربنا كمان ساندويتش الشاورما "فرنساوي" (20.95 جنيه) وبـ ينزل معاها بطاطس محمرة وطرشي، وواحدة سلاطة بسلة خضراء، ومشروب غازى (3.50 جنيه)، الشاورما معمولة حلوة وكميتها كويسة والتسوية كمان، الطرشي بس كان مملح زيادة وقت زيارتنا والسلاطة كانت رائعة بمكوناتها الطازة.

أكيد فى زياراتنا القادمة هـ نجرب المكرونة بتاعتهم والكالزونى، أحلى حاجة أن الأكل بـ يتعمل أمامك والخدمة سريعة ونظيفة، وفيه منطقة للأكل Food Court فيها كراسي علشان تقعد وتستمتع بأكلك، وتشحن طاقة علشان ترجع تواصل تسوقك فى المول ثاني.

نصيحة 360

"بيتزا وان" عندهم خدمة توصيل، بس نعتقد للشيخ زايد فقط، اتصل بـ 01020985396.

أحسن حاجة

جودة الأكل والخدمة السريعة.

أسوأ حاجة

الملح الزيادة فى الطرشي.

أكتب تقييم

أضف تعليقاً

يجب أنت تكون مسجل الدخول لتضيف تعليقاً.

مقترح