The Definitive Guide to Living in the Capital , Cairo , Egypt

مطاعم
Tajoury – تاجوري

تاجوري.. مطعم مميز في المنيل لازم تجربوه

تاجوري حمام رز فلفل محشي مطعم ممبار ورق عنب
  • 93 شارع عبد العزيز آل سعود، المنيل
تم التقييم بواسطة
Mohamed Talaat
قيم
قيم الآن
تاجوري.. مطعم مميز في المنيل لازم تجربوه

اتعودنا في كايرو 360 إننا بنشد حيلنا في رمضان، ننقل لكم تجاربنا مع المطاعم المختلفة اللي بنزورها. والنهارده هننقل لكم تجربتنا مع مطعم تاجوري المنيل، اللي أبهرنا بأكله.

قررنا نطلب الأكل دليفري بدل ما نروح المطعم، ونشوف هيوصلنا إزاي وإمتى. والحقيقة كان عند حسن ظننا، الأكل وصل قبل الافطار بنص ساعة. سخن وجاهز على الأكل.

طلبنا حمام محشي فريك (62.5 جنيه). وده بقى من الحاجات اللي الواحد بيتمتع وهو بياكلها، لأن مفيش محلات كتيرة بتعمل الحمام محشي فريك، ويكون مظبوط في بهاراته وتتبيلته وتحميره. الحمامة لحمها كتير ومش عجوزة. قولنا ندوق الممبار (28.5 جنيه). للأسف كان ناشف وواضح إنه بايت. وتتبيلة الأرز مكنتش مظبوطة، كانت عاوزة تسوية. وإنه يكون حراق شوية.

أما المحشي المشكل فكان (22.80 جنيه). الكمية كانت حلوة بالنسبة للسعر، بس مكنش فيه غير قرن فلفل واحد، وواحد ورق عنب. كان لازم يبقى أكتر حتى لو هيزودوا السعر، خاصة إن المحشي كان مميز وكل حاجة معمولة فيه صح. وأكلنا شيش طاووق (74 جنيه). وكان بيدوب في الفم من جمال الطعم. لدرجة مقدرناش نخلطه بطحينة أو عيش، لأننا هنظلمه لو أكلنا حاجة معاه.

الأوردر كان فيه كباب حلة (85.5 جنيه). كانت حلوة ويعيبها أن الصلصة كانت محتاجة تبقى ناشفة شوية. لكن كطعم حلو جدًا، حتى وهي باردة. وذوقنا الفراخ المسحب (80 جنيه). اللي لازم يكون فيه حاجة تميزه عن غيره، لأنه زيه زي أي مكان بره. طعم حلو تسوية ممتازة. لكن لو فيه نكهة زعتر أو حبهان وغيرها في الطعم، هيفرق كتير معاهم.

قولنا نجرب الفتة بتاعتهم، وطلبنا واحدة سادة (28.5 جنيه). وندمنا جدًا إننا مطلبنهاش بأي حاجة، لأنها طلعت حلوة جدًا. التسبيكة في الدمعة زي بتاعة أكل جدودنا زمان. والأرز مستوي زي ما قال الكتاب. هي الحاجة الوحيدة اللي إحنا طلبناها ومقدرناش نسيبها، وخلصناها كلها في الأكل. ولازم نبقى نجربها تاني باللحمة أو غيرها.

صفحتهم على فيسبوك.

أحسن حاجة

الفتة

أسوأ حاجة

الممبار

أكتب تقييم

أضف تعليقاً

يجب أنت تكون مسجل الدخول لتضيف تعليقاً.

مقترح