جودة وأسعار معقولة.. أهم 5 مطاعم في القاهرة لعشاق الـ “سوشي”
أفضل مطاعم السوشي أكل آسيوي أكل ياباني مطاعم سوشي مطاعم ياباني هليوبوليس
Mohamed Talaat
الأكلات الأسيوية ليها عشاق كتير في القاهرة، ومن أهم الأكلات دي “السوشي”، وهو من أشهر أكلات المطبخ الياباني، وبيتعمل من الأرز المخلل وبيضاف ليه المأكولات البحرية أو الخضراوات وبيض السمك وغيرها، وعلشان شعبية أكلة “السوشي” بين سكان القاهرة.. هنقول لكم في الموضوع ده على أهم 5 مطاعم بتقدم الأكلة دي في العاصمة.
Mori Sushi
بيقدموا أنواع مختلفة من الشوربة والسلاطة والمقبلات والأكلات الخاصة بالسوشي ومشتقاته، والأسعار عندهم لـ 15 قطعة بتبدأ من 275 جنيه تقريبًا، ولهم 14 فرع في القاهرة.
العنوان: تيفولي دوم – ألماظة – هليوبوليس.
رقم التليفون: 01222712773
وعلشان تعرفوا أكتر عنهم زوروا صفحتهم على الفيسبوك من هنا.
Bob sushi
السوشي عندهم عظمة، وأسعارهم عظمة أكتر، وبيقدموا السوشي بكل متطلباته وسلاطاته، والأسعار عندهم بتبدأ من 67 جنيه لـ 10 قطع.
العنوان: 3 شارع السد العالي – أمام فندق شيراتون – الدقي.
رقم التليفون: 01033661761
وعلشان تعرفوا أكتر عنهم زوروا صفحتهم على الفيسبوك من هنا.
KYOTO SUSHI
تقدروا تجربوا السوشي بكل أنواعه عندهم، وكمان المقبلات والسلاطات والشوربة المشتقة منه، وأسعارهم بتبدأ من 135 جنيه لـ 15 قطعة.
العنوان: 1003 المعراج العلوي بجوار بنزينة توتال – المعادي.
رقم التليفون: 01097674820
وعلشان تعرفوا أكتر عنهم زوروا صفحتهم على الفيسبوك من هنا.
Zi
بشهادة محبي السوشي، المكان ده من أفضل الأماكن في مصر، وسعر الـ 20 قطعة 220 جنيه، ودايمًا عندهم عروض وخصومات على المنيو.
العنوان: أمريكانا بلازا – الشيخ زايد.
رقم التليفون: 01091889810
وعلشان تعرفوا أكتر عنهم زوروا صفحتهم على الفيسبوك من هنا.
Sapporo
المطعم ده نقدر نقوله “يا لذيذ يا رايق” وبيقدم السوشي الياباني على أصوله، وحتى المنيو بتاعهم ياباني، وسعر الـ 12 قطعة عندهم بيبدأ من 300 جنيه.
العنوان: داخل فندق شيراتون – ميدان الجلاء – الدقي.
رقم التليفون: 01022216883
وعلشان تعرفوا أكتر عنهم زوروا صفحتهم على الفيسبوك من هنا.
مقترح
الحياة في كايرو
تقرير.. مصر الثانية إفريقيًا من حيث عدد الأثرياء والقاهرة فيها 7200 مليونير
ترتيب مصر من حيث الأثرياء ثروات مصر +4
صحة ولياقة
