The Definitive Guide to Living in the Capital , Cairo , Egypt

رنا شرف

الأكل المصري الفلاحي له عشاق كتير في القاهرة. وإحنا في كايرو 360 بنحب الأكل الأصيل اللي بطعم مصر المحروسة، علشان كدة قررنا نروح مطعم “حجوجة”، ونجرب الأكل هناك. في السطور الجاية هنقول لكم على تفاصيل تجربتنا هناك. اتفضلوا معانا السفرة جاهزة!

أول ما دخلنا “حجوجة” لاحظنا الجو الريفي البسيط المبهج. المكان واسع وكبير والديكور كله ريفي، وفيه قعدة داخلية وواحدة تانية خارجية، الأولى مكيفة والثانية في الهواء الطلق.

 

 

 

 

 

View this post on Instagram

 

 

 

 

 

 

 

 

 

 

 

A post shared by Rana Charaf (@rana_charaf_)

اختارنا نقعد في القعدة الداخلية، المكان واسع وجميل، السقف كان علي شكل ريفي بسيط ومريح، والأطباق عليها لوجو المطعم، وعجبتنا جدًا الشوك والملاعق رغم إنها بلاستيكية.

طلبنا من “حجوجة” برام أرز معمر بالحمام والمزاليكا والزبدة، كان أكثر من رائع الزبدة واضحة قوي في الطاجن، وكان متسوي حلو، والحمام معمول بطريقة مخلياه خفيف، ومحشي أرز. بشكل عام الطاجن كان سبب في سعادتنا.

تاني طبق جربناه كان رقاق باللحمة المفرومة، وكان ممتاز، بس الرقاق لو كان أطرى شوية كان هيبقي عظمة، لكن بشكل عام حبيناه.

الطبق الثالث كان الملوخية بالطشة الفلاحي التقليدية، ودي بقى كانت خطيرة، والتقلية كانت عظمة العظمة، والطاجن حجمه كبير، ودي حاجة حلوة لو كنتم شلة.

رابع طبق كان صينية محاشي، والمحشي كان معمول بالسمنة البلدي، واللمعة الحلوة فيه فتحت نفسنا على الأخر، وبجد بيشبع وحجمه حلو.

بشكل عام تجربتنا في “حجوجة” كانت مميزة ومرضية لنا، وأكيد هنروح المكان تاني قريب.

تقدروا تتعرفوا أكثر على المكان وأطباقه من هنا.