The Definitive Guide to Living in the Capital , Cairo , Egypt

مطاعم
Tabla Lounge

طبلة.. تجربة ناجحة في مطعم وكافيه مميز في المعادي

أكل المعادي طبلة كافيه كافيهات القاهرة كافيهات المعادي مطاعم القاهرة مطعم
  • فيلا 7 شارع 257، المعادي الجديدة
  • 09:00 - 23:59
تم التقييم بواسطة
Mohamed Talaat
قيم
قيم الآن
طبلة.. تجربة ناجحة في مطعم وكافيه مميز في المعادي

دايمًا بيبقى عندنا شغف نجرب حاجات جديدة، وعلشان كده بندور كتير عن كل جديد في القاهرة، وتجربتنا اللي هنقولكم عليها في السطور الجاية كانت في مطعم وكافيه طبلة لاونج فرع المعادي، واللي بهرنا بمستواه الغير متوقع، والخدمة الممتازة والابتسامة الدائمة من فريقه.

المكان كبير وفيه مساحة خارجية وداخلية، وكمان كيدز إيريا، وديكوراته بسيطة، بس مميزة، والكراسي والترابيزات كبيرة ومريحة، وكمان عندهم باركينج عربيات وكل أسبوع تقريبًا عندهم حفلة، إحنا قررنا نقعد في الأوبن إيريا لأن الجو كان لطيف، واخترنا ترابيزة تكشف المكان كله لدرجة أننا كنا شايفين الباركينج بره اللي فيه موظف مخصوص بيخلي باله من العربيات.

بدأنا قعدتنا بإننا طلبنا قهوة تركي بـ٢٥ جنيه، والبن كان ممتاز وفنجان القهوة كان متظبط كويس كأنه معمول على سبرتاية.

بعدها قررنا ناكل عندهم، وطلبنا تشيكن ميلانو بـ٩٦ جنيه، وده كان عبارة عن سموك تركي وفرايد تشيكن وجبنة موتزاريلا مع صوص الماشروم، ونزل معاه مكرونة بالصوص الأبيض مرشوش عليها جبنة، وتقدروا تغيروها ببطاطس مقلية أو أرز وسوتيه، وكان طعمه مميز ومعمول صح وكان بس محتاج أنه يبقى زيته أقل.

كمان طلبنا فيليه طبلة بـ١٦٠ جنيه، وكان عبارة عن سموك بيف متسوي ميديام بالجبنة الريكفورد وعليه صوص المسطرة والشيدر، وطلبنا معاه بطاطس مهروسة، وكان طعمه حكاية ومميز جدًا، وتحسوا أنه معمول بمزاج وحب.

كمان جربنا عندهم كوردون بلو وده عبارة عن ستيك لحمة باردة مميز بصوص الباربكيو وبيتقدم معاه خضار سوتيه وبطاطس أو مكرونة مميزة باللحمة، وطعمه كان حقيقي تحفة، وده شجعنا أننا المرة الجاية نطلب من عندهم لحمة باردة سادة علشان معمولة بطريقة ممتازة زي ما الكتاب بيقول.

تجربتنا في المجمل كانت ممتازة بداية من وجود ركنة مريحة والاستقبال بحفاوة، وتميز المشروبات والأكل، وكمان الجو في المكان لطيف وعندهم شيشة مميزة لمحبي التدخين، وفي الحقيقة مقدرناش نجرب الحلو عندهم لأن بطننا خلاص كانت اشتكت من كتر الأكل.

نصيحة 360

جربوا "فيليه طبلة " والـ "كوردن بلو" يا جماعة

أحسن حاجة

فيليه طبلة

أسوأ حاجة

مافيش حاجة ماعجبتناش

أكتب تقييم

أضف تعليقاً

يجب أنت تكون مسجل الدخول لتضيف تعليقاً.

مقترح