The Definitive Guide to Living in the Capital , Cairo , Egypt

مطاعم
لينوز – Lino’s

لينوز: مطعم إيطالي على النيل في الزمالك

تم التقييم بواسطة
Angie El Batrawy
قيم
قيم الآن
لينوز: مطعم إيطالي على النيل في الزمالك

شارع أبو الفدا في الزمالك شارع
طويل وكبير جدًا على الرغم من مساحة جزيرة الزمالك الصغيرة، فلما نلاقي كمية مطاعم
وكافيهات ومحلات في الشارع ده مش طبيعية فده أمر غير مفاجئ خالص.  

في نهاية أبو الفدا وجنب «كوفي
شوب كومباني
» هـ تلاقي المطعم الإيطالي «لينوز – Lino’s» واخد مساحة كبيرة بدورين وتحس
أنه متشابك مع الثاني في السور الزجاج اللي بـ تشوفه أول ما تدخل من الباب، خاصة
أنك هـ تدور عليه لأن مافيش أى إعلان عنه بالخارج غير يفط «كوفي شوب كومباني».

المكان رائع جدًا فيه جزء فوق بـ
تطلع له بسلم وبـ تشوف من فوق منظر للنيل والعمارات على الجانبين، والجزء اللى تحت
فيه كذا مكان للقعود كله مفتوح ماعدا جزء صغير مقفول بس حوالين الزجاج فكأنك قاعد
مع الناس اللي بره.

الجرسون اللى كان معانا لطيف جدًا
ولأن الأطباق إيطالية قال لنا لو محتاجين أى استفسارات عن محتويات الأطباق نسأله،
وده بالفعل اللى حصل، أغلب الأطباق بيتزا وباستا بشكل أكبر، وكل أطباق الباستا
معاها إضافات ثانية وأشكال وألوان والخضار هناك اللي بـ ينزل لك بـ يكون معمول
مشوي على الطريقة الإيطالية وبـ يكون فلفل وباذنجان وخضار ثاني مش زي اللي بـ يكون
في الخضار السوتيه.

الأطباق الرئيسية هناك مالهاش
اختيارين جانبيين، بـ ينزل لك زجاجة مياه صغيرة (8 جنيه)، وخدمة Cover (3 جنيه) وفي
الآخر بـ يضاف 12% خدمة، رحنا وقت الصبح بدري كانت الشمس جامدة والجو يفتح النفس
على الشغل لأي حد معاه اللابتوب بتاعه وعاوز يخلص شغله ويخرج في نفس الوقت.

بدأنا قعدتنا على غير العادة
بالمشروبات، طلبنا مشروب تيراميسو (19 جنيه) وزودنا عليه نكهة كراميل (5 جنيه) كان
جامد جدًا وتقديمه مختلف لأن كل مكون من مكوناته كان منفصل عن الثاني فكان عامل
طبقات ألوانها كثيرة ومتدرجة، كمان جربنا فروتينو برتقال (22 جنيه) عبارة عن
برتقال بـ يضاف له بودر علشان يبقى قوامه سميك بـ يُضرب مع ثلج مجروش، ما فيهوش
غلطة.

بعد ما اشتغلنا واستريحنا شوية
جاء ميعاد الغذاء، احتارنا كثير فى الاختيار والجرسون ساعدنا وأخذنا طبق سلاطة
خضراء وده اسمه بالإيطالي Insalata
Mista
(25 جنيه)، مشكلتنا الوحيدة كانت فى فهم الأسماء، طلبنا مع
السلاطة طبق دجاج مشوي واسمه Petto
di Pollo alla griglia (65 جنيه) وده بـ ينزل معاه خضار مشوي لكننا
استبدلناه بالبطاطس المحمرة، كان حلو جدًا والبطاطس مقرمشة ولذيذة. كمان ذقنا
الفراخ المشوية مع المشروم وباستا بصوص أبيض اسمها Petto di pollo della Casa (75 جنيه).

حسن الختام كان مع التحلية،
المولتن كيك (25 جنيه)، كيك شوكولاتة خفيف داخله شوكولاتة سايحة وغنية وعليها بولة
آيس كريم فانيليا، بجد قفلة رائعة ليومنا هناك.

نصيحة 360

لينوز عنده إنترنت Wi-Fi.

أحسن حاجة

القعدة في الهواء وخاصة الصبح فى الشمس رائعة.

أسوأ حاجة

لو شغال على لابتوب الصبح لازم تقعد في مكان فيه ظل شوية وإلا مش هـ تشوف الشاشة.

أكتب تقييم

أضف تعليقاً

يجب أنت تكون مسجل الدخول لتضيف تعليقاً.

مقترح