The Definitive Guide to Living in the Capital , Cairo , Egypt

  • شارع حسن إبراهيم، كورنيش النيل، المعادي
  • شرقي
  • 12:00 - 23:59
تم التقييم بواسطة
Cairo 360
قيم
قيم الآن
مطعم المأذون.. كفتة بيتي على مزاجك في المعادي

رنا شرف

كلنا بنحب الأكل البيتي والطواجن، وفي رمضان بنعتبر أكل البيت له طعم تاني، علشان كده قررنا نروح مطعم بيعمل أكل من الآخر، واختارنا مطعم المأذون، اللي عجبنا جدًا إنه بيعمل أكل طعمه قريب من أكل البيت.

لكن قبل ما ندخل في تفاصيل تجربتنا هناك، خلونا نعرفكم إن مطعم المأذون بيقدم الأيام دي وجبات رمضانية مختلفة، زي وجبة حبايب المأذون ودي سعرها 275 جنيه، وهي عبارة عن نص رز بسمتي وربع ممبار ونص كفتة ضاني وربع سجق ونص فرخة شيش وسلطات وعيش وربع كبدة وربع محشي مشكل.

وفيه كمان وجبات الخير، اللى سعرها 50 جنيه، ودي عبارة عن ربع سجق ومكرونة وبطاطس وسلطة وعيش.   

نيجي بقى لتفاصيل تجربتنا عند المأذون، اللي موجود في شارع حسن إبراهيم، كورنيش المعادي.

أول حاجة جربناها هناك، كنت طاجن بطاطس باللحمة، وبصراحة كان جامد جدًا، وطعمه بيتي قوي، والبطاطس مستوية صح، وده عجبنا جداً، وسعر الطاجن ده كان 65 جنيه.

تاني صنف جربناه، كان طبق كفتة، والحقيقة الكفتة كنت جميلة وطعمها حلو وسميكة ومستوية مظبوط، ونقدر نقول إنها كانت أفضل ما جربناه هناك.

جربنا كمان الفراخ، لكن للأسف ماكنتش أفضل حاجة، لكن نقدر نقول عليها معقولة، ويومها اخترنا الطلب ده من عرض الاتنين وكان سعره 110 جنيه، عبارة عن نص كفتة مع نص فرخة.

ومن السلطات، اخترنا بابا غنوج وسلطة طحينة وزبادي بالخيار، وفي المجمل كانوا حلوين جدًا كلهم.

تجربتنا في المكان كانت إيجابية، لكن بننصحكم تطلبوا دليفري أفضل في رمضان، علشان الصالة هناك حجمها صغير، لكن في البيت هتاكلوا براحتكم أكتر.

نصيحة 360

الأفضل تطلبوا دليفري من رقم 01142534371.

أحسن حاجة

الكفتة عظمة.

أسوأ حاجة

الصالة صغيرة قوي.

أكتب تقييم

أضف تعليقاً

يجب أنت تكون مسجل الدخول لتضيف تعليقاً.

مقترح