The Definitive Guide to Living in the Capital , Cairo , Egypt

مطاعم
يام ين – Yam Yen

يام ين: مطعم تايلاندي مخفي فى المعادي

  • 23 شارع النهضة
  • تايلاندي
  • 10 صباحًا - 12 صباحًا -
تم التقييم بواسطة
Gaser El Safty
قيم
قيم الآن
يام ين: مطعم تايلاندي مخفي فى المعادي

واضح أن فيه حالة من الانتعاش بـ يشهدها المطبخ الآسيوي فى مصر، وده من حسن حظنا لأننا من عشاق أى حاجة من الشرق.

واحد من المطاعم غير المشهورة هو "يام ين – Yam Yen"، المعادي مش غريبة عن المطبخ التايلاندي، وفيها عدد من الاختيارات لو كان مزاجك رايح تأكل بالعصايتين المشهورين، لكن مطعمنا النهارده يمتلك حاجة مش موجودة في أغلب المطاعم الثانية؛ مكان كويس.

مع جنينة لطيفة تحتوي على نافورة، مدخل خشبي مُقوّس وديكورات من البامبو، يام ين قدر يكسر قاعدة الديكورات التقليدية الموجودة فى كل المطاعم الآسيوية، بما فيها الهندي.

المطعم نفسه فيه إضاءة صفراء خافتة مع أثاث خشبي غامق، ومنطقة الأكل مقسمة باستخدام ألواح زجاجية معتمة مدعمة بالمعدن.

وصلنا الجرسون اللطيف لترابيزتنا داخل المطعم وقدم لنا المنيوهات. المنيو فيها كل المقبلات المعتادة وكمان اختيارات شوربة شيّقة، أما الأطباق الرئيسية فكان فيها كاري أحمر وأخضر، وكمان تقدر تعمل طبقك بنفسك من بين الجمبري المقلي، والسمك، والفراخ، والبيف أو الخضروات بصوص من اختيارك.

طلبنا شوربة فراخ Tom Kha (34 جنيه) مع جمبري بصوص الريحان والتشيلي صوص (59 جنيه) وبيف بصوص المحار (54 جنيه). بالنسبة للطلبات الجانبية، اختارنا أرز Pad Thai بالخضروات (39 جنيه)، شعرية مقلية بالبيض (39 جنيه) وطلب من الأرز المقلي بالخضروات (19 جنيه).

الأكل وصل بعد فترة أطول من الطبيعي، لكن الشوربة في الحقيقة كانت تستحق الانتظار، شوربة Tom Kha الغنية بنكهة حليب جوز الهند، والمكونة من قطع فراخ طرية، وزنجبيل، وليمون، ومشروم وكزبرة، كانت هي نجم الشباك.

حاولنا نخلط الأرز، والنودلز و pad thaiمع الأطباق الرئيسية، ولاحظنا أن النودلز المقلية كانت أضعف عنصر فى الموضوع وينقصها كثير من ناحية النكهة.

صحيح البيف بصوص المحار كان لذيذ، لكن الكمية كانت قليلة شوية، الجمبري كان أصغر كمان، بالضبط أربع قطع جمبري فى كمية كبيرة من الجزر والفلفل الرومي. الصوصين المقدمين مع الطبقين كانوا كويسين، لكن بسبب كميتهم القليلة ما قدرناش نستمتع بطعمهم لفترة طويلة.

غالبًا طعم Pad Thai كان الأفضل، بعيدًا عن الشوربة طبعًا، عبارة عن براعم الفاصوليا والفول السوداني بكمية مناسبة. الأرز المقلي، وعليه البيض والخضروات، كان مشبع جدًا وأحسن من طلب الأرز المسلوق العادي.

مشكلة يام ين مش جودة الأكل، لكن في كمية الأكل القليلة مقارنة بالسعر، المطعم نظيف والخدمة كويسة، لكن لما يكون مطلوب منك تدفع في الطلبات الجانبية نفس ثمن الأطباق الرئيسية، توقّع أنك يا هـ تقوم جعان، يا هـ تدفع مبلغ محترم.

نصيحة 360

يام ين بـ يوصل، اتصل بـ 0223808188.

أحسن حاجة

شوربة Tom Kha.

أسوأ حاجة

النودلز المقلية.

أكتب تقييم

أضف تعليقاً

يجب أنت تكون مسجل الدخول لتضيف تعليقاً.

مقترح