The Definitive Guide to Living in the Capital , Cairo , Egypt

القاهرة فيها مطاعم كتير بتقدم لنا أحلى الأكلات العالمية، لكن وسط العدد الكبير ده في خمس مطاعم مميزة جدًا في العاصمة.. في السطور الجاية هنعرفكم عليها.

 

كريف – Crave

المكان المفضل لأي حد بيحب الأكل المعمول بحرفية ومزاج، كريف من الأماكن النادرة اللي لسه محافظة على مستواها االلي بدأت بيه، وبتطور دايمًا من نفسها علشان تفضل على نفس المستوى. وقدرت تكون المصباح السحري لأي أسرة مصرية اختيارتها مختلفة.

كولينا –Culina

كولينا جمعت أكتر من مطبخ عندها وقدمتهم بحرفية شديدة ما بين أنواع الباستا للأكل الهندي للسوشي حاجة ما تتوصفش، الأكيد إنه مهما كان اللي بتدور عليه هتلاقيه هناك وهيعجبك علشان تروح مبسوط من أكلة ملوكي.  

مو بيسترو – Mo Bistro

“مو بيسترو” بيقدم لك تجربة نادرة أكيد هتبهرك ما بين الكمية الكبيرة للأطباق والجودة الممتازة لكل حاجة جربناها هناك، مغامرة مختلفة في المهندسين ما تتفوتش.

 

كريمزون بار أن جريل – Crimson Bar & Grill

من الأماكن النادرة اللي ممكن تسحرك بتقديمها لأطباقها، ما بين المولتن لازانيا والستيك حبينا كل حاجة في المكان، وبنعتبره من أماكننا المفضلة اللي عارفة كويس جدًا هي بتقدم إيه.

 

ذا سموكرى – The Smokery

أطباق معمولة بحرفية خاصة السالمون هناك لازم تجربه، المكان مع طريقة التقديم والأطباق المغرية هتخليكم مش عاوزين تروحوا.