The Definitive Guide to Living in the Capital , Cairo , Egypt

رنا شرف

دايمًا بندور على أماكن مميزة لجمهورنا علشان هما يستاهلوا كل حاجة حلوة في القاهرة، ولما عرفنا أن فيه مطعم في القاهرة الجديدة وبالتحديد منطقة الرحاب على شكل “قبة”، واسمه “OBBA”، قررنا نروح نشوف القصة دي ونجرب أكلهم، ولقينا أن المطعم يستاهل فعلًا المشوار، وفيه تفاصيل كتير هنقولكم عليها خلال السطور الجاية.

المطعم كديكور ومكان وشكل هو كنز لعشاق التصوير، لأنه موجود على مكان مرتفع بيخليكم شايفين منطقة الرحاب بشكل مختلف وزي ما قلنا قبل كده أنه على شكل “قبة”، وبالتالي التصوير هيبقى أجمل، والمطعم بتطلعوا له بأسانسير لأنه زي ما قلنا في دور مرتفع وبننصحكم تروحوا قبل غروب الشمس علشان تاخدوا لقطات بفيو واسع وواضح.

مطعم قبة مهتم جدًا بكل تفصيلة في الديكورات سواء الألوان أو القعدة والكراسي والترابيزات وحتى الأطباق شكلها مميز، وهناك قررنا نجرب بطاطا حارة كمقبلات وسعرها 79 جنيه، وكان طعمها لذيذ ولكن مش سبايسي علشان لو أنتم بتحبوا المقبلات سبايسي ممكن تطلبوا منهم ده، ومن ضمن المقبلات عندهم مكس لطيف كان سعره 164 جنيه وعبارة عن بابا غنوج وطحينة وبطاطس محمرة وورق عنب ورغم أن طعمه كان مقبول ولكن الكمية كانت قليلة.

ودخلنا على الطبق الرئيسي وقررنا نجرب مكرونة أرابياتا بقطع الموزريلا والصلصلة الحمراء والفلفل، بسعر 164 جنيه، وكان طعمها حلو وعجبتنا.

 

 

 

 

 

View this post on Instagram

 

 

 

 

 

 

 

 

 

 

 

A post shared by Rana Charaf (@rana_charaf_)

ولما جربنا الحلو كانت تجربتنا مع المولتن كيك وكان سعرها 110 جنيه، وبصراحة مكانتش ألطف حاجة وممكن تتعمل أحسن من كده، ولكن طريقة التقديم كانت مميزة لأنهم بيعملوا شو نيتروجين بشكل لطيف بينزل مع الأطباق ودي من أهم الحاجات الحلوة في المكان وبينزل مع الأكل لكن نزلنا مع الحلو.

العنوان: أفينيو مول – الرحاب – القاهرة الجديدة.

وتقدروا تعرفوا أكتر عنهم من خلال صفحة الفيسبوك من هنا.