The Definitive Guide to Living in the Capital , Cairo , Egypt

تصوير: بيشوي فايز

تاريخ مصر العسكري كبير، من أيام الفراعنة لحد العصر الحديث، ودائمًا الجيش المصري بيكتب انتصارات من نور، وعلشان كدة قررنا نعرفكم على المتحف المصري للقوات الجوية علشان تقدروا تزوروه وتتعرفوا على تاريخ الطيران الحربي في مصر.

سعر تذكرة الدخول للمتحف 30 جنيه، وكمان الأطفال لحد 10 سنوات ببلاش، ومفتوح يوميًا ماعدا الثلاثاء من 9 صباحًا حتى  3 عصرًا، وبيكون فيه جولة داخلية بصحبة مرشد من المتحف بتبدأ الساعة 10 وكل ساعة بيبقى فيه فوج جديد لحد الساعة 3 عصرًا، والدخول بيكون من بوابة صلاح سالم، وفيه جراج للسيارات بقيمة 5 جنيه للسيارة.

كمان تقدروا تزوروا معرض الطائرات الحربية الحقيقية بكل قصصها وحكاويها، ودخول الهليكوبتر  (MI – 6)، وتشوفوا عرض تقديمى عن برنامج DAY TO FLY & TRY TO FLY لتعليم طلبة المدارس علوم الطيران، وكمان بتزوروا المبنى الرئيسي للمتحف وفيه سينما ومكتبة وجداريات ولوح فنية ووثائق وصور نادرة، بتحكي عن بطولات القوات الجوية من سنة 1932 ولحد النهارده.

ولو حابين تدخلوا قاعة الطائرات هتدفعوا 20 جنيه، وقاعة 9D بـ30 جنيه، ومحكى الطائرة F-16، بـ20 جنيه وغيرها من المميزات والتصوير وخلافه اللي هيخليكم تنبسطوا وتستمتعوا بيوم ترفيهي مميز.

العنوان: قاعدة ألماظة الجوية – شارع صلاح سالم – أمام الكلية الحربية.

رقم التليفون: ٠١٠٢٤٠٢٨٢٧٠ –  ٠١٠٦٠٨٢١٨٦٠

صفحة الفيسبوك من هنا