رحلة إلى جامع “الفتح الملكي” بحي عابدين (صور)
جامع الفتح الملكي جامع عابدين عابدين بك قصر عابدين مساجد القاهرة التاريخية وزارة الآثار
Omar Abd-elmaqsoud
مساجد القاهرة مدهشة ومحيرة، مباني تاريخية بتسمع فيها صوت الأذان 5 مرات في اليوم، وبتحس وأنت جواها بحنين للزمن الجميل، ومن مساجد مصر المحروسة اللي مش واخدة حقها إعلاميًا، هو مسجد الفتح الملكي، وده موجود في وسط القاهرة، وبالتحديد في عابدين، واللي انتهت وزارة السياحة والآثار من أعمال ترميمه في العام 2020، ومن وقتها والمسجد متاح دخوله للجمهور.
المسجد موجود في الجزء الشرقي من قصر عابدين، وكان بناه “عابدين بك” وكان في الأصل عبارة عن مسجد صغير جمب القصر واسمه “الفتح” لكن عابدين بك بعد كده جدده واعتنى به وعمله وقف خاص بيه في الأوقاف، واتعرف بعد كده باسم “جامع عابدين”.
الجامع بشكله الحالي بيرجع لعصر الملك فؤاد الأول، وتحديدًا سنة 1918 وكان أمر الملك فؤاد وقتها بتجديد جامع الفتح، مع الاحتفاظ بالمدخل القديم والمئذنة، وتم اعداده على طراز المساجد العثمانية، ومضاعفة مساحته.
بيتكون الجامع من مربع أساسي بتقوم عليه قبة وهو مكان الصلاة، وملحق بالمربع ده ثلاث مجموعات من المباني من جهته الغربية والجنوبية والشرقية، وكل الملحقات دي فها أروقة ودهاليز وغرف بتقوم بخدمة أغراض المسجد المتعددة.
والواجهة الرئيسية للمسجد موجودة في الجهة الغربية منه وهي بتطل على حديقة قصر عابدين وبيبلغ ارتفاعها 15.70 متر وبيتوسط الواجهة الغربية المدخل الملكي للمسجد وبتقع مئذنة الجامع في الركن الجنوبي الشرقي للجامع.
تعالوا بينا نشوف مجموعة صور من داخل جامع “عابدين” أو “الفتح الملكي”:
مقترح
الحياة في كايرو
تقرير.. مصر الثانية إفريقيًا من حيث عدد الأثرياء والقاهرة فيها 7200 مليونير
ترتيب مصر من حيث الأثرياء ثروات مصر +4
صحة ولياقة
