The Definitive Guide to Living in the Capital , Cairo , Egypt

شرم الشيخ مليانة عوامل جذب مافيش كلام؛ بصفتها أحد أهم المدن الساحلية في مصر، كثير من المصريين والأجانب بـ يعشقوها. واحد من أحدث مناطق الجذب الواسعة جدًا هو هوليوود، مجمع التسوق والترفيه الضخم اللي بـ يقدم المتعة للعائلة والأطفال من كل الأعمار.

المكان الرائع والموجود على بعد خمس دقائق من خليج نعمة، هـ يلفت انتباهك بأنواره المبهرة وتماثيل الديناصورات العملاقة المجهزة بأجهزة صوت، كمان هـ تشوف تماثيل لسلسلة أفلام قراصنة الكاريبي، بالإضافة لأفلام Terminator، جودزيلا، Alien وأفلام ثانية، حتى شعار 'HOLLYWOOD' الأبيض الشهير تقدر العربيات تشوفه وهي على طريق السلام. الحاجة الأكيدة أنك لازم يكون معاك كاميرا.

تذكرة الدخول سعرها 30 جنيه، وتشمل مشروب مجاني من موفينبيك، وده يعتبر مناسب جدًا لأن أغلب العروض الترفيهية هناك مجانية.

أول حاجة عندك عرض النافورة بألوان مبهجة والمياه اللي بـ تندفع على أنغام الموسيقى، والعرض بـ يكون كل ساعة لمدة 15 دقيقة، عروض ترفيه ثانية تشمل غناء روسي، عربى وإنجليزي، مع راقصات وعروض سحر. كمان هناك فيه سينما 7D، وهي حاجة قريبة من السينما 3D، مع وجود حركة وأضواء؛ امسك في الكرسي بتاعك كويس. تذكرة السينما ثمنها 35 جنيه إضافية لكنها فعلًا تستحق لو نفسك تعيش تجربة سينمائية مختلفة.

ولأنه مجمع ضخم، هوليوود بـ يقدم منطقة واسعة للتمشية، وفي كل منطقة منظر جمالي رائع منها شلال مياه هادئ بـ تشوفه داخل المكان وكوبري بـ يعدي فوق بحيرة صغيرة خلابة يقدر زوار المكان يركبوا فيها بدّالات.

نروح على نوع ثاني من التجربة الممتعة وهو التسوُّق، وهناك كل المعروضات عليها أسعار تجنبًا لدوشة الفصال، المحلات الموجودة تشمل معرض فودافون، محلات ملابس وبازارات. لو تعبت من المشي، هوليوود فيها كافيهات وبارات كثيرة تقدر تجدد فيها نشاطك بمشروب منعش.

المطاعم الموجودة تشمل Jaws، وطبعًا واضح من اسمه أنه بـ يقدم سي فوود، وتيتانيك، اللي ديكوراته على شكل المركب الشهير. هوليوود مجهز بحمامات وأسانسيرات للتسهيل على الزوار.

صحيح هوليوود مكان حيوي ونشط أغلب الليالي، لكن أوقات بـ يكون مافيش أي عروض، وبالتالي المكان بـ يكون هادئ شوية. بعض الأجزاء في المجمع تحت الإنشاء، لكن الشغل بـ يكون الصبح بس وهوليوود بـ يفتح أبوابه للزوار بالليل.

الرحلة من وإلى هوليوود في منتهى السهولة، تذكرة أتوبيس من خليج نعمة لهوليوود سعرها ما يزيدش عن 2 جنيه وتقدر تلاقي تاكسيات في أي وقت، المكان يشبه ميدان سوهو جدًا، يمكن على أكبر، أكثر إضاءة وأمريكاني شوية.