بالخطوات.. إزاي تطلع جواز سفر مستعجل 2026 من بيتك من غير زحمة ولا انتظار
استخراج باسبور أونلاين استخراج جواز سفر مستعجل الهجرة والجنسية جواز السفر المصري جواز سفر إلكتروني جواز سفر فوري خدمات وزارة الداخلية طريقة استخراج جواز السفر كايرو360 وزارة الداخلية المصرية
Cairo 360
زمان كان استخراج جواز السفر معناه طوابير وانتظار ووقت ضايع، لكن دلوقتي الموضوع بقى أسهل وأسرع بكتير. لو عندك سفر قريب أو محتاج باسبور في أسرع وقت، وزارة الداخلية وفرت خدمة استخراج جواز السفر المستعجل والفوري أونلاين، ومن غير ما تنزل إلا وقت الاستلام.
في السطور الجاية بنشرح لك الطريقة خطوة بخطوة، من أول الدخول على الموقع لحد استلام الجواز.
وزارة الداخلية بقت بتقدم خدمة استخراج جواز السفر الإلكتروني، ودي مناسبة جدًا لأي حد مستعجل أو مش عاوز يلف على المصالح الحكومية. كل اللي محتاجه إنك تجهز أوراقك وتدخل على الموقع الرسمي وتكمل الإجراءات من بيتك.
طريقة استخراج جواز سفر إلكتروني من البيت 2025 – 2026
أول خطوة
ادخل على الموقع الرسمي لوزارة الداخلية المصرية.
تاني خطوة
اختار دليل الخدمات الحكومية، وبعدها اضغط على خدمة الهجرة والجنسية، وهتتحول مباشرة للإدارة العامة للجوازات والهجرة والجنسية.
تالت خطوة
لو أول مرة تستخدم الخدمة، اعمل حساب جديد على الموقع. ولو عندك حساب قديم، سجل دخولك عادي.
رابع خطوة
ابدأ في ملء البيانات المطلوبة لاستخراج جواز سفر إلكتروني، وتأكد إن كل البيانات صحيحة ومطابقة لبطاقتك الشخصية.
خامس خطوة
قدم الأوراق المطلوبة لاستخراج جواز السفر، زي ما هي موضحة على الموقع، وراجعها كويس قبل ما تكمل الطلب.
سادس خطوة
ادفع رسوم الخدمة إلكترونيًا من خلال وسائل الدفع المتاحة أونلاين.
سابع خطوة
بعد إتمام الطلب والدفع، بيتم تحديد ميعاد استلام جواز السفر حسب نوع الطلب، سواء فوري أو مستعجل. الاستلام بيكون شخصيًا فقط من صاحب الطلب نفسه، علشان التأكد من البيانات.
رسوم استخراج جواز السفر المصري 2025 – 2026
رسوم استخراج جواز السفر المميكن بتبلغ 705 جنيه.
في حالة استخراج جواز سفر بدل فاقد أو تالف، الرسوم بتكون 1155 جنيه.
خدمة جواز السفر المميز
دي خدمة اختيارية للي محتاج يستخرج ويستلم جواز السفر في نفس يوم تقديم الطلب. الخدمة متاحة في ديوان الإدارة العامة للجوازات والهجرة والجنسية، وكمان في مندوبيات الجوازات بالمراكز التجارية والوحدات المتنقلة، ومن غير التقيد بمحل الإقامة أو الاختصاص المكاني، وبتكون مقابل 500 جنيه.
خدمة جواز السفر العاجل
خدمة اختيارية برضه، وبتناسب اللي عاوز يستلم جواز السفر في يوم العمل التالي. الخدمة متاحة في ديوان الإدارة وأقسام الجوازات على مستوى الجمهورية مع الالتزام بالاختصاص المكاني، وكمان من خلال مندوبيات الجوازات بالمراكز التجارية والوحدات المتنقلة من غير التقيد بالاختصاص المكاني، وبتكون مقابل 100 جنيه.
وأخيرًا..
الميزة في الخدمة دي إنها وفرت وقت ومجهود كبير، وخلت استخراج الباسبور أسهل بكتير، خصوصًا للناس اللي مرتبطة بمواعيد سفر قريبة أو شغل خارج مصر.
مقترح
معالم وسياحة
حارة التمبكشية.. سيرة التبغ والتاريخ في قلب القاهرة الفاطمية
آثار إسلامية الجمالية +8
الحياة في كايرو
