The Definitive Guide to Living in the Capital , Cairo , Egypt

الصورة الرئيسية: Jakub Żerdzicki

لو لسه ما قدمتش في الطرح التاني من مبادرة “سكن لكل المصريين 7″، عندك فرصة جديدة بعد ما وزارة الإسكان أعلنت مد فترة الحجز وكمان شراء كراسة الشروط وسداد مقدم الجدية والمصروفات الإدارية لأسبوعين كمان.

الموعد النهائي للتقديم على شقق الطرح التاني هيكون يوم 14 سبتمبر 2025.

تفاصيل الشقق في الطرح التاني

الطرح التاني بيشمل 113.1 ألف وحدة سكنية بمساحات بين 75 و90 متر، منهم 54.8 ألف وحدة إسكان أخضر. الوحدات متوزعة على مدن جديدة في كل المحافظات، خصوصًا مدن الصعيد والوجه البحري.

إزاي تقدم وتحجز شقتك؟

التقديم بيكون من خلال الموقع الرسمي لصندوق الإسكان الاجتماعي ودعم التمويل العقاري (اضغط هنا) أو من خلال منصة مصر الرقمية (اضغط هنا).

المستندات المطلوبة للحجز

1- بطاقة الرقم القومي للمتقدم والزوجة

2- إثبات الدخل

3- قسيمة الزواج

4- شهادات ميلاد الأبناء

5- إيصال مرافق حديث (كهربا أو مياه أو غاز)

خطوات الحجز أونلاين

1- تعمل حساب شخصي على الموقع

2- تدفع المصروفات إلكترونيًا

3- تحمّل كراسة الشروط

4- ترفع المستندات المطلوبة

أنظمة التمويل العقاري

المبادرة بتقدم تسهيلات في السداد لحد 20 سنة، بفائدة 8% سنويًا لمحدودي الدخل و12% لمتوسطي الدخل، وكمان فيه نظام تمويل مدعوم عشان يسهل التملك.

أماكن سداد مقدم جدية الحجز

ممكن تسدد مقدم جدية الحجز من خلال مكاتب البريد المميكنة، وبتكون كالتالي:

1- 25 ألف جنيه للوحدات الجاهزة للتسليم.

2- 50 ألف جنيه للوحدات تحت الإنشاء، واللي مقرر تسليمها خلال 36 شهر.