The Definitive Guide to Living in the Capital , Cairo , Egypt

رنا شرف

الصورة الرئيسية: Anthony Tran

الصورة الداخلية: engin akyurt

فصل الصيف دايمًا بيكون مصدر بهجة لكذا سبب.. البحر، الشمس، الخروجات، والويك إند الطويل. لكن الحقيقة إن الحر والجو بيخلوا العناية بالنفس عندنا كبنات تحدي كبير، خصوصًا مع الأسعار اللي بتغلى كل يوم. عشان كده، جمعنالك النهاردة في كايرو 360 شوية براندات مصرية وأسعارها معقولة، تساعدك تهتمي بجمالك من غير ما تضغطي على ميزانيتك.

الوجه:

أكتر حاجة بتديكي ثقة في نفسك هي بشرة وجهك تكون صافية، من غير حبوب ولا تصبغات. ودي شوية كريمات مصرية سعرها بسيط ونتيجتها كويسة:

بانتينول: كريم مرطب ممتاز للوجه والجسم، وسعره بسيط جدًا ومتوفر في كل الصيدليات.

إيفا: مرطب حلو للبشرة، بيغذيها وبيسيبها ناعمة، وكمان سعره معقول جدًا.

شان: كريم لطيف للبشرة، وكمان عندهم غسول للوش ومنطقة البيكيني.

بوبانا: براند مصري بيوفر كريمات وغسول وشامبو وبلسم، بيناسب كل أنواع البشرة وسعره مناسب.

الإيدين والأظافر:

مظهر الإيدين بيقول كتير عن اهتمامك بنفسك، ودي شوية منتجات هتفيدك:

لونا: كريم إيدين بريحة حلوة ومميز من زمان، سواء زبدة كاكاو أو كريم عادي.

ديرما بيور: كريم إيدين بجودة عالية وسعره معقول، ومعاه مقوي أظافر زي لونج نيل اللي بيقوي الظافر وسعره مناسب جدًا.

الجسم:

بابليز: براند مصري عنده لوشن، شاور جل، وبادي ميست بريحة قوية وثابتة، واللوشن خفيف على البشرة وما بيعملش جفاف.

مود: براند جديد نسبيًا لكنه أثبت نفسه بسرعة، عنده شاور جيل ولا أروع، واللوشن بتاعه بيترطب حلو وسعره كويس.

الشعر:

حرارة الصيف وكمان أدوات التصفيف بتجهد الشعر جدًا، عشان كده مهم تختاري شامبو وبلسم مناسبين:

إيفا: عندهم شامبو بالمارشيملو والتوت وجوز الهند، خالي من السلفات والبارابين، بريحة قوية وثابتة، ومناسب جدًا لفصل الصيف.

بليس: براند نضيف، خالي برضه من السلفات والبارابين، وسعره حلو جدًا.

الصن بلوك:

ما ينفعش نهتم بالبشرة من غير ما نحميها من الشمس:

بوباي: صن بلوك مناسب لأنواع بشرة مختلفة وسعره معقول.

فاكيشين: ناس كتير جربته وبيقولوا نتيجته كويسة.

ستارفيل: صن بلوك مصري، بنات كتير بتحبه وسعره مناسب.

وأخيرًا..

الصيف فرصة تهتمي بنفسك وتدلعيها، ومن غير ما تعملي حساب كبير للميزانية. جربي البراندات دي وقولي لنا رأيك!