The Definitive Guide to Living in the Capital , Cairo , Egypt

أفلام
بث مباشر

بث مباشر: محاولة سينمائية غير موفقة لمناقشة قضايا المجتمع

  • أيمن منصورسامح حسين...
  • كوميدي
  • مرقس عادل
  • في1 Cinema
تم التقييم بواسطة
Mohamed Hamdy
قيم
قيم الآن
بث مباشر: محاولة سينمائية غير موفقة لمناقشة قضايا المجتمع

للأسف بعض الأفلام بتحاول تناقش قضايا كتير من خلال أحداثها، وده اللي حاول صناع بث مباشر أنهم يقدموه، لكن في النهاية كانت نتيجة الفيلم سيئة على الصعيد الفني. تعالو نتعرف أكتر على التجربة دي.

 

 

 

القصة

الفيلم بيحكي عن قصة ظابط شرطة موقوف عن العمل بيحاول يقبض على شخص نصاب، وفي إطار بحثه عنه بيكشف كتير من قضايا الفساد في المجتمع، وبتحصل له كتير من المواقف الكوميدية اللي مش بتنقطع على مدار يوم كامل من البداية للنهاية.

فريق العمل

الفيلم من بطولة سامح حسين وسامية الطرابلسي ومصطفى عباس ومحسن منصور مع مشاركة كتير من الفنانين والنجوم زي مراد مكرم (مقدم برنامج الأكيل) والمذيعة إنجي علي وغيرهم.

الفيلم من تأليف طارق رمضان وإخراج مرقس عادل.

 

 

الأداء التمثيلي

للأسف الأداء التمثيلي لكل الأبطال تقريبًا كان ضعيف ونمطي ومحفوظ، ماشوفناش أي بطل من أبطال الفيلم خارج النمط التقليدي اللي إحنا متعودين عليه منه، وده كان سبب رئيسي لضعف الفيلم وشعورنا بالملل والتكرار خلال الأحداث.

السيناريو والحوار والإخراج

سيناريو الفيلم كان أبعد ما يكون عن الملل، لكن على صعيد آخر السيناريو ماقدمش أي شيء جديد غير مجموعة من المواقف الكوميدية والإيفيهات اللي بتحاول تكون كوميدية، ومن هنا شعرنا أن الفيلم مبني في المقام الأول والأخير على الحوار الكوميدي ودي كانت واحدة من أهم نقاط ضعف الفيلم.

أما إخراج الفيلم فعلى الرغم من نجاحه في أنه يبعدنا عن الملل لكن إخراج الفيلم كان محتاج يكون أقوى وأكثر تأثيرًا وأكثر تمكنًا من أدواته وطريقة تقديمه لمشاهد الفيلم وتعامله معاها.

 

الديكورات والموسيقى والأزياء

من الصعب أننا نناقش ديكورات وموسيقى فيلم زي بث مباشر لأن تركيز القائمين على الفيلم كان غير منصب على العوامل دي خالص، على الرغم من أهميتها لنجاح أي فيلم، لكن للأسف الفيلم كان ضعيف في الديكورات والموسيقى والأزياء وباقي العناصر المكملة لأي فيلم.

الخلاصة

فيلم بث مباشر حب يقدم جرعة من الأكشن مع الكوميديا مع مناقشة قضايا المجتمع، لكنه للأسف لم ينجح في تقديم أي حاجة من الحاجات دي!

 

علشان تبقى عارف:

نجوم الفيلم باعوا التذاكر للجمهور ضمن حملة الدعاية للفيلم.

عجبك ؟ جرب

ليلة ساخنة

نصيحة 360

أحداث الفيلم بتدور في يوم واحد

user pic
endawe

*لما تكتبوا مقال وتسموه نقدي تبقوا تقدموا نقد للفيلم مش هجوم وخلاص .. كاتبين السيناريو بعيد عن الملل معنى كده السيناريو حلو .. مع اني رأي الشخصي السيناريو فكرته جديدة ومكتوب باحترافية *لما كتبتوا عن الاخراج ليه بعد ما كتبتوا انه ناجح كتبته انه بعيد عن الملل كلمة الملل اللي عمالين تلزقوها فى كل سطر من غير لازمة بتوضح مدي احترافية اللي كاتب المقال في انه يهاجم الفيلم من غير سبب *وبالنسبة للاداء التمثيلي اللي مش عاجبكم ..اسألوا اي حد دخل الفيلم عيط ولا لأ فى المشهد الدرامي بتاع المحكمة ده غير كمية المشاهد الكوميدية اللي ما ظهرتش فى الاعلان وديكور ايه اللي بتتكلموا عنه والفيلم اصلا اغلب مشاهده خارجي .. واضح جداً اللي كاتب المقال نسي يشوف الفيلم ونسي كمان يكتب اسمه على المقال

أكتب تقييم

One thought on “بث مباشر: محاولة سينمائية غير موفقة لمناقشة قضايا المجتمع

  1. *لما تكتبوا مقال وتسموه نقدي تبقوا تقدموا نقد للفيلم مش هجوم وخلاص .. كاتبين السيناريو بعيد عن الملل معنى كده السيناريو حلو .. مع اني رأي الشخصي السيناريو فكرته جديدة ومكتوب باحترافية
    *لما كتبتوا عن الاخراج ليه بعد ما كتبتوا انه ناجح كتبته انه بعيد عن الملل
    كلمة الملل اللي عمالين تلزقوها فى كل سطر من غير لازمة بتوضح مدي احترافية اللي كاتب المقال في انه يهاجم الفيلم من غير سبب
    *وبالنسبة للاداء التمثيلي اللي مش عاجبكم ..اسألوا اي حد دخل الفيلم عيط ولا لأ فى المشهد الدرامي بتاع المحكمة ده غير كمية المشاهد الكوميدية اللي ما ظهرتش فى الاعلان
    وديكور ايه اللي بتتكلموا عنه والفيلم اصلا اغلب مشاهده خارجي .. واضح جداً اللي كاتب المقال نسي يشوف الفيلم ونسي كمان يكتب اسمه على المقال

أضف تعليقاً

برجاء تسجيل الدخول لكي تتمكن من اضافة تعليق.

مقترح