The Definitive Guide to Living in the Capital , Cairo , Egypt

أفلام
بشتري راجل

بشتري راجل: عندما تتحول الحياة الزوجية لـمصلحة

  • بيومي فؤادلطفي لبيب...
  • رومانسي
  • محمد علي
  • في1 Cinema
تم التقييم بواسطة
Mohamed Hamdy
قيم
قيم الآن
بشتري راجل: عندما تتحول الحياة الزوجية لـمصلحة

العلاقات العاطفية والزوجية، تعتبر من الملفات الشائكة في المجتمع العربي، وعلي الرغم من كونها مساحة خصبة لتقديم أفلام كوميدية أو اجتماعية أو كوميدية اجتماعية زي ما شوفنا في (بشتري راجل)، إلا أن كتاب كتير ومخرجين بيحاولوا يبعدوا عن المنطقة دي علشان ماحدش يتهمهم بتهم كبيرة زي زعزعة ثوابت المجتمع وخلافه.

بكل جرأة وثقة، بتدخل المؤلفة (إيناس لطفي) في أول أعمالها عش الدبابير، وبتقدم لنا قصة شمس نور الدين أو نيللي كريم، الفتاة اللي تعدت الخامسة والثلاثين دون زواج، وبتعمل بعض التحاليل الطبية عند خالها طبيب النساء المشهور (لطفي لبيب)، واللي بيبلغها أن احتماليات حملها في المستقبل مش قوية.

 

بدأت شمس في التفكير في حلول غير تقليدية تخليها تنجب أطفال دون الوقوع في مشاكل الزواج، وفى نفس الوقت بطريقة شرعية وقانونية، ومن هنا بتبدأ في وضع إعلان على موقع التواصل الاجتماعي فيس بوك بتطلب فيه شخص بشروط معينة مقابل صفقة.. زواج صوري ثم طفل أنابيب ثم طلاق مرة تانية. ومن هنا بتبدأ شخصية بهجت أبو السعد أو محمد ممدوح في الظهور كالزوج المثالي اللي تنطبق عليه كل الشروط.

المخرج محمد علي قدر يقدم لنا عمل مترابط، مبني على سيناريو قوي وإن كان بيفكرنا بكتير من الأفلام الأجنبية زي فيلم The Proposal من بطولة ساندرا بولوك، وغيره من الأفلام، والحقيقة أن السيناريو فشل في تجنب بعض الأمور اللي تعتبر دخيلة على مجتمعنا زي العلاقة بين محمد ممدوح وصديقته سالي اللي قامت بدورها ليلي عربي.

بالكلام عن الأداء التمثيلي، لازم نشيد بنيللي كريم ومحمد ممدوح، والكيمياء الممتازة بينهم، وقدرة السيناريو على استغلال فرق الحجم بين الثنائي علشان يقدم تنويعات كوميدية متميزة عليها، كمان لطفي لبيب وليلي عز العرب قدموا أدوار جيدة رغم صغر حجمها، لكن كان لها أهمية كبيرة على مستوي دراما الفيلم. بيومي فؤاد قدم مشهد واحد كضيف شرف وللأسف كان ضعيف وغير كوميدي.

ديكورات الفيلم كانت متميزة، وقدرت تنقلنا بصريا لعالم الفيلم، لكن الموسيقى التصويرية كانت ضعيفة ولا ترقي لمستوى الأحداث، أما اختيار الأزياء فكان ممتاز ومناسب لكل شخصية من شخصيات الفيلم حسب عمرها والدور اللي بتقوم به.

%d8%a8%d8%b4%d8%aa%d8%b1%d9%8a-%d8%b1%d8%a7%d8%ac%d9%843

بشتري راجل فيلم متميز لنيللي كريم ومحمد ممدوح، قدروا يثبتوا نفسهم فيه كثنائي كوميدي ناجح، أما إيناس لطفي المؤلفة فنحب نقول لها مبروك أول تجربة، لكننا بانتظار أعمال أقوي وأغني، وأكثر قدرة على خلخلة ثوابت المجتمع ومناقشتها وتسليط الضوء عليها.

 

علشان تبقي عارف:

  • شارك كل من النجمة نيللي كريم والمخرج محمد علي والمنتجة دينا حرب ومدير الانتاج خالد الجلب في تمويل الفيلم بأجورهم عنه.
  • الفيلم يعتبر أول فيلم روائي طويل للمخرج محمد علي منذ عام 2007 الذي شهد عرض فيلمه (الأولة في الغرام).

عجبك ؟ جرب

مسلسل عايزة أتجوز أو فيلم كذبة كل يوم

نصيحة 360

اسم الفيلم في البداية كان (دكر بط) ثم تم تغييره إلى (بشتري راجل)

user pic
Hisham Magdy

جيد جدا

أكتب تقييم

One thought on “بشتري راجل: عندما تتحول الحياة الزوجية لـمصلحة

أضف تعليقاً

برجاء تسجيل الدخول لكي تتمكن من اضافة تعليق.

مقترح