The Definitive Guide to Living in the Capital , Cairo , Egypt

أفلام
Ghost House

فيلم Ghost House: رحلة رعب إلى تايلاند

أفلام رعب سينمات القاهرة
  • جيمس لاندري هيبريتسكوت تايلور كومتون...
  • رعب
  • ريتش راجسديل
  • في1 Cinema
تم التقييم بواسطة
Mohamed Hamdy
قيم
قيم الآن
فيلم Ghost House: رحلة رعب إلى تايلاند

على الرغم من أن معظم أفلام الرعب اللي بنشوفها اليوم بتعتبر مكررة من حيث القصة ومواقع التصوير، إلا أن الجديد في Ghost House أنه بيقدم لنا فيلم رعب بنكهة شرق أسيا، لأن الفيلم تم تصويره في تايلاند، لكن هل ده كان كافي علشان ينجح الفيلم؟ تعالوا نعرف مع بعض.

 

 

القصة

فيلم Ghost House بيحكي عن زوجين بيقرروا السفر إلى تايلاند علشان يقضوا وقت لطيف مع بعض وسط بيئة وثقافة مختلفة. لكن الأجازة بتتحول لجحيم لما بيتورط الزوجين في مغامرة مرعبة في مكان مسكون بالأشباح. هل هيقدروا يخرجوا من الموقف ده بسلام؟

فريق العمل

الفيلم من إخراج ريتش راجسديل، ومن تأليف كيفين أوسوليفان، ومن بطولة سكاوت تايلور كومبتون، جيمس لندري هيبرت، مارك بوني جونيور، راسيل جيفري بانكس، ريتش لي جراي، وكيفين راجزديل.

الأداء التمثيلي

في واقع الأمر من الصعب إننا نحكم على الأداء التمثيلي للممثلين من خلال أحد أفلام الرعب، لأن المشاعر اللي بيكون على الأبطال إظهارها بتكون مقتصرة على الخوف والهلع والرعب فقط، لكن نقدر نقول حسب اللي شوفناه أن الأداء التمثيلي للأبطال كان من مقبول إلى جيد حسب اللي كان مطلوب منهم وحسب أحداث الفيلم.

السيناريو والحوار والإخراج

سيناريو الفيلم نقدر نقسمه لجزئين: جزء ممل بيمثل أحداث ما قبل اكتشاف الأرواح الشريرة وبداية الجزء المرعب في الفيلم، وجزء أكثر إثارة وهو الجزء اللي بيواجه فيه الأبطال الأحداث المرعبة في الفيلم. وكنا نتمنى الإخراج يقدر يمزج بين القسمين بشكل أفضل من اللي شوفناه في الأحداث.

الديكورات والموسيقى والأزياء

ديكورات الفيلم والموسيقى التصويرية كانت ضعيفة جدًا، كمان المؤثرات الخاصة فشلت في إقناعنا بكتير من الأحداث اللي كانت هتكون أفضل لو كان تم الاهتمام بها أنتاجيًا وأخراجيًا، على الرغم من أنه من المعروف أن أفلام الرعب بتوفر جزء كبير من ميزانيتها لخدمة المؤثرات الخاصة لنجاح الفيلم.

 

 

الخلاصة

فيلم Ghost House مناسب لمحبي أفلام الرعب، أما الناس اللي بتحب تركز في التفاصيل وتحلل كل مشهد، الفيلم مش هيكون مثالي بالنسبة لها.

علشان تبقى عارف:

تقييم الفيلم على موقع IMDB وصل لـ 4.7 من 10.

عجبك ؟ جرب

فيلم Wish Upon

نصيحة 360

تم تصوير الفيلم في تايلاند

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح