The Definitive Guide to Living in the Capital , Cairo , Egypt

  • ستيفين بوسيميكيفين جيمس...
  • كارتون
  • جندي تارتاكوفسكي
  • في1 Cinema
تم التقييم بواسطة
Mohamed Hamdy
قيم
قيم الآن
فيلم Hotel Transylvania 3: Summer Vacation : دراكولا في أجازة

سلسلة أفلام Hotel Transylvania تعتبر واحدة من أفضل سلاسل أفلام الأنيميشن اللي شوفناها، لتركيزها على الجانب الكوميدي ولأن أحداثها مناسبة للكبار والصغار على حد سواء. 

في الجزء الجديد اللي بيحمل أسم Hotel Transylvania 3: Summer Vacation بنشوف دراكولا لما بيقرر ياخد أجازه طويلة ويحاول يخرج بره عالم الفندق اللي بيقضي فيه باقي الكائنات المرعبة أجازتاهم. وبمجرد بداية الأجازة بيبدأ الجانب الرومانسي في العمل. لكن يا ترى إيه اللي ممكن يحصل مع دراكولا الرومانسي؟

الأداء الصوتي لأدم ساندلر في دور دراكولا و سيلينا جوميز في دور مافيس و كيفن جيمس في دور فرانك بيعرفنا قد إيه بيفرق لما نجوم كبار تقوم بالأداء الصوتي لشخصيات الأنيميشن. لأنهم بيقدروا يقدموا أداء راقي ومميز وقادر على توصيل مشاعرهم بمجرد وضع أصواتهم على شريط الفيلم، ودي مهمة بتكون أصعب من التمثيل بنفسهم على الشاشة على حد وصف كتير من النجوم المحترفين في الأداء الصوتي.

المخرج والمؤلف جيندي تارتاكوفسكي قدر يقدم لنا فيلم متوازن ما بين الكوميديا وما بين المتعة البصرية، وفي النهاية شوفنا فيلم يصلح للكبار والصغار على حد سواء، ودي واحدة من أهم مميزات الفيلم قدرة أي سن على مشاهدته والشعور بالمتعة من خلال المتابعة.

مستوى الرسومات في الفيلم كان عالي جدًا ومميز، كمان طريقة تحرك الشخصيات على الشاشة كان سريع وحماسي، واختيار الألوان والموسيقى كان موفق وجميل. وبشكل عام الفيلم كان مريح للعين على مستوى الرؤية وسيناريو الفيلم كان مضحك وخفيف الظل.

 

 فيلم Hotel Transylvania 3: Summer Vacation مش أفضل فيلم أنيميشن شوفناه، لكنه جزء مميز من سلسلة قدرت تحصد كتير من الإعجاب والمتابعة.

علشان تبقى عارف: الفيلم يعتبر رقم 18 من أفلام الأنيميشن اللي أنتجتها شركة (سوني) في تاريخها.

عجبك ؟ جرب

الأجزاء السابقة من نفس السلسلة.

نصيحة 360

تقييم الفيلم على موقع IMDB 6.4 من 10

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح