The Definitive Guide to Living in the Capital , Cairo , Egypt

  • أميتاباتشانأمير خان...
  • حركة ومغامرات
  • فيجاي كريشنا
  • في1 Cinema
تم التقييم بواسطة
Mohamed Hamdy
قيم
قيم الآن
فيلم Thugs of Hindostan: خلطة هندية معتادة

لما نشوف فيلم بيجمع الدراما بالكوميديا بالأكشن والمطاردات مع بعض الرومانسية. يبقى أحنا بالتأكيد أمام فيلم هندي! وما فيش غير بوليوود اللي بتقدر تقدم الخلطة الغريبة دي من الأفلام، ومافيش غير بوليود اللي بتقدر تقدمها بشكل جيد وناجح جماهيريًا حتى لو كان عليه ملاحظات فنية.

 

 

فيلم Thugs of Hindostan بيحكي عن الصراع الدائم بين الهنود والبريطانيين – اللى احتلوهم فترة طويلة من الزمن- من خلال قصة خوداباكاش آزاد (أميتاب باتشان) اللي بيحاول يحرر أحد المدن من قبضة شركة شرق الهند البريطانية اللي بتسيطر عليها. واللي بتحاول توقف مخططات آزاد عند حدها بطريقة إجرامية.

الفيلم بياخد القصة مجرد مدخل علشان نشوف مجموعة من الأحداث المترابطة. مابين الرومانسية والأكشن أو حتى مشاهد المطاردات والمبارزة بالسيوف. والمميز في الفيلم أن كل أحداثه بتنتمي للعصور القديمة، يعني هننتقل في الزمان والمكان في نفس الوقت علشان نتابع الأحداث.

على الرغم من تقدم أميتاب باتشان في السن (حوالي 76 سنة) إلا أنه قادر على تقديم أداء تمثيلي عالي ومميز ومقنع. على الرغم من أن طبيعة دوره كانت بتتطلب الكثير من الحركة والانتقال من مكان لمكان.

بيشارك في بطولة الفيلم اسم تاني مهم هو عامر خان، واللي قام بدور (فرانجي) والحقيقة أن عامر خان من الممثلين اللي قدروا يثبتوا نفسهم بقوة في الفترة الماضية. ومن الواضح أنه بيعرف يختار أدواره بعنايه، زي دوره المميز في فيلم P.K أو فيلم Dangal وغيرها من الأعمال اللي بتؤكد على تميزه في الأداء وأهتمامه بالشخصيات اللي بيقوم بيها.

بيشارك أيضًا في البطولة كاترينا كايف وفاطمة سانا شيخ وعبدالقادر أمين وغيرهم من الفنانين اللي قدر كل واحد منهم يقدم شخصيته بشكل مناسب ومقنع تمامًا لنا كمشاهدين.

من أكثر الأمور المميزة في الفيلم هي الموسيقى التصويرية الحماسية وتوظيفها المناسب في المشاهد، بالإضافة لاختيار الأزياء والأسلحة والديكورات واللي بالفعل نقلتنا لفترة مش عارفين عنها معلومات كتير. ومع تميز المؤثرات الخاصة نقدر نقول إن الفيلم بالفعل من الأفلام القوية والمميزة في تاريخ الهند.

بننصح عشاق الأفلام الهندية بشكل خاص بمشاهدة فيلم Thugs of Hindostan، ولأي مشاهد عاوز يقضي 3 ساعات من وقته في مغامرة مشحونة بالرومانسية والأكشن.

علشان تبقى عارف: تم تخصيص أعلى ميزانية في بوليوود لإنتاج الفيلم، اللي اتكلف حوالي 40 مليون دولار.

عجبك ؟ جرب

فيلم Sacred Games

نصيحة 360

تقييم الفيلم 3.7 من 10 على موقع IMDb

أكتب تقييم

أضف تعليقاً

يجب أنت تكون مسجل الدخول لتضيف تعليقاً.

مقترح