The Definitive Guide to Living in the Capital , Cairo , Egypt

A Million Ways To Die In The West

A Million Ways to die in the West: كوميديا المواقف

  • أماندا سيفرايدتشارليز ثيرون...
  • حركة ومغامراتغربي...
  • سيث ماكفارلاينسيث ماكفارلاين
تم التقييم بواسطة
Mohamed Hamdy
قيم
قيم الآن
A Million Ways to die in the West: كوميديا المواقف

الحقيقة أننا معجبين بسلسلة الأفلام الكوميدية الهوليوودية اللى بـ نشوفها مؤخرًا فى السينمات، الموضوع بدأ فى الموسم ده بفيلم The Other Woman اللى شوفنا فيه كوميديا عن العلاقات الإنسانية والخيانة الزوجية من خلال قصة ثلاث نساء بـ يتفقوا على تلقين الرجل اللى بـ يخونهن درس مش هـ ينساه.

الفيلم الثانى هو Blended اللى قام ببطولته آدم ساندلر، واللى بـ يناقش كمان العلاقات الإنسانية وإزاى المواعيد الغرامية المرتبة مسبقًا ممكن تكون سبب فى نجاح العلاقة بين شخصين مختلفين تمامًا عن بعض.

أما فيلم اليوم.. اللى بـ ييجي من صناع فيلم Ted ومن تأليف وإخراج وبطولة سيث ماكفرلين، والحقيقة أننا لما عرفنا أنه المؤلف والمخرج والبطل فى نفس الوقت جاء لنا إحساس أننا هـ نشوف فيلم عربى من أفلام المقاولات اللى بـ تتعمل لتمجيد شخص واحد! لكن الحقيقة كانت غير ذلك على الإطلاق، لأن الفيلم فعلاً كوميدي وفعلاً ملىء بالمواقف المتميزة.

الفيلم اللى بـ يقوم ببطولته أماندا سيفريد وسيث ماكفرلين وتشارليز ثيرون وليام نيسون بـ يحكي عن مزارع بسيط بـ يعيش فى أريزونا، بـ يخسر حبيبته نتيجة لموقع جبان منه، ثم بـ يتعرف على إنسانة جديدة بـ تأخذه فى رحلة مختلفة داخل نفسه أولاً، وبـ تحاول تخليه أكثر شجاعة وقدرة على مواجهة الحياة، لكن كل ده بـ يتحط تحت اختبار قوى لما بـ يظهر ليام نيسون فى الأحداث فى دور الرجل الشرير.

الفيلم بـ يقدم جرعة ضخمة من الكوميديا من بداية الفيلم للنهاية، مصحوبة بعدد كبير من الأيفيهات الكوميدية القاسية من البداية للنهاية، ولعل من أجملها مشهد التدريب على إطلاق النار، وغيرها من المشاهد اللى ما قدرناش نمنع أنفسنا من الضحك عليها للنهاية.

عجبنا فى سيث ماكفرلين أنه قدر يخرج من عباءة فيلم Ted اللى سبق وقدمه الصيف الماضى، وقدر يصنع فيلم كوميدي بأسلوب جديد ومختلف.

الديكورات، خصوصًا ديكورات مدينة أريزونا كان لها عامل كبير على إحساسنا بالجو العام للفيلم وأسلوب ونمط حياة الكاوبوى، وكمان الموسيقى التصويرية لعبت هى كمان دور مميز، وإن كنا متوقعين أنها تقدم أكثر من مجرد موسيقى حماسية طوال الوقت.

A Million Ways to die in the West فيلم كوميدي أكشن.. ننصحكم بمشاهدته لو من محبى الأفلام الكوميدية.

عجبك ؟ جرب

Ted.

نصيحة 360

النجم ليام نيسون شارك فى أحداث الفيلم، نيسون أصبح إنتاجه الفنى مؤخرًا بـ يتزايد باستمرار، ومعروف عنه اختيار أدواره بعناية واهتمامه بتفاصيل الشخصيات اللى بـ يؤديها.

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح