The Definitive Guide to Living in the Capital , Cairo , Egypt

Last Vegas

Last Vegas: أسطورة العجائز

  • روبرت دي نيرومايكل دوجلاس...
  • كوميدي
  • جون تارتلتوبجون تارتلتوب
  • في1 Cinema
تم التقييم بواسطة
Mohamed Hamdy
قيم
قيم الآن
Last Vegas: أسطورة العجائز

فى ظل الظروف الصعبة اللي بـ نعيشها فى مصر حاليًا بـ نكون مشتاقين لنكته جديدة أو حلقة من برنامج كوميدي تخرجنا من اللي إحنا فيه.. أما أننا نقضي ما يقارب الساعتين فى حالة من الضحك المتواصل؟ ده كان بمثابة حلم جميل لنا، وLast Vegas حقق لنا الحلم بما لا يدع مجالاً للشك.

مجموعة من الأصدقاء العجائز بـ تجمعهم الظروف للالتقاء من جديد بمناسبة حضور حفل زفاف صديقهم بيلي (مايكل دوجلاس)، العبارة ممكن تكون مش مضحكة، لكن المفارقات الكوميدية اللى مش بـ تسيبنا من لحظة بداية الفيلم إلى نهاية النصف الأول منه على الأقل، بداية من القصة وراء كل واحد من العجائز، وطريقة هروبهم من أبنائهم وزوجاتهم، أو حتى المشكلة اللى بين “بادى” (روبرت دى نيرو) و”بيلي” اللي مش عاوزين نحرقها عليكم.

إيقاع الفيلم سريع ومتجدد، وتقريبًا مافيش جملة حوارية ما أثارتش الصراخ من فرط الضحك فى قاعة العرض، ومافيش مشهد ما تمش تنفيذه بذكاء وحنكة يحسد عليها المخرج جون تورتيلتوب اللى قدر يوظف قدرات العمالقة مورجان فريمان، روبرت دى نيرو، مايكل دوجلاس، كيفن كلاين فى أداء أدوار أسطورية بـ تجسدهم بشكل مختلف تمامًا عن الشكل اللى تعودنا عليه فى أفلامهم السابقة بشكل كامل.

العيب الوحيد فى الفيلم فى رأينا أنه غير صالح لمشاهدة كل أفراد العائلة عليه، لأننا بـ نشوف مشاهد عري كثير جدًا وOver جدًا، وكنا نتمنى نرشح الفيلم فى أجازات نهاية الأسبوع للأسر اللى عاوزة تموت من الضحك المعتمد على المواقف مش الإيفيهات زى الأفلام العربى، لكن للأسف الفيلم لا يصلح أن الصغار يتفرجوا عليه بتاتًا.

جرعه الكوميديا بـ تقل فى النصف الأخير من الفيلم إلى حد ما، وبـ تفسح الطريق أمام خيط صغير من الميلودراما، واللى رغم صغره إلا أننا ما قدرناش نمنع نفسنا من التأثر بخصوصه، وفضل برضه الجزء الكوميدى موجود لكن بشكل أقل من الجزء الأول من الفيلم.

ننصحكم بدخول Last Vegas لأن مستوى الكوميديا فيه أكثر من رائع، ومين مش محتاج كوميديا فى الأيام الصعبة دي؟!

عجبك ؟ جرب

Wild Hogs.

نصيحة 360

كان التصنيف الأخلاقى للفيلم R ثم تم تعديله إلى PG-13 فى الولايات المتحدة، والتصنيف الأخلاقى أسلوب لتصنيف الأفلام وفقًا لمشاهد الجنس والعنف والمخدرات، أقلها تأثيرًا التصنيف G وأعلاها R.

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح