The Definitive Guide to Living in the Capital , Cairo , Egypt

أفلام
Les Misérables

Les Misérables: فيلم بـ يتكلم عن أحوالنا

  • أن هاثاوايراسل كرو...
  • درامارومانسي
  • توم هوبرتوم هوبر
  • في1 Cinema
تم التقييم بواسطة
Mohamed Hamdy
قيم
قيم الآن
Les Misérables: فيلم بـ يتكلم عن أحوالنا
فى رأينا الشخصى أن التحدى الأكبر اللى كان بـ يواجه المخرج “توم هوبر” إزاى هـ يقدر يقدم قصة تم تقديمها مئات المرات فى العديد من الأعمال السينمائية والمسرحية على مستوى العالم بشكل جديد يقدر يمتع المشاهد اللى بـ يتفرج على العمل للمرة الأولى، وفى نفس الوقت يقدم جديد للمشاهد اللى شاف العمل ده بأكثر من شكل قبل كده؟!
السؤال هو: هل نجح “هوبر” بمساعدة الأبطال “راسل كرو” و”هيو جاكمان” و”أماندا سيفريد” وغيرهم فى تقديم جديد؟ الإجابة من أعمق قلوبنا هى: نعم. بـ نقولها بمنتهى الراحة والثقة، الجميع كسب التحدى وقدروا يصنعوا تحفة فنية جديدة من قصة قديمة تم تقديمها أكثر من مرة قبل كده.
الفيلم -المأخوذ عن رواية عالمية شهيرة لفيكتور هوجو- بـ يحكى عن قصة سجين هارب من الإفراج المشروط فى محاولة البدء بحياة جديدة محترمة وشريفة رغم مطاردة شرطى عديم الرحمة فى أجواء أوربية ظلامية تعود للقرن التاسع عشر، حيث كانت أوربا واحدة من أكثر البقاع تخلفًا وجهلاً فى العالم أجمع.
الديكور والموسيقى والاستعراض كان لهم نصيب الأسد فى الأحداث.. كانت بالفعل مسابقة للفت نظر وتركيز المشاهد طوال وقت الفيلم، لو أضفنا إليهم قصة مكتملة الأركان وأداء تمثيلى هو واحد من أروع التجارب التمثيلية خلال العام ساعتها نقدر نقول بضمير مستريح أننا شوفنا واحد من أحسن الأفلام خلال السنة دى.
عاوزين نزيدكم من الشعر بيت، ونقول لكم أن أغانى الفيلم لسه محققة أعلى الإيرادات حتى الآن، الأغانى تم طرحها فى ألبوم تزامنًا مع العرض العالمى للفيلم فى دول العالم، الرائع أن الأغانى فى الفيلم كلها من أداء فريق عمل الفيلم نفسه، يعنى مافيش مطربين محترفين قاموا بالغناء، دى حاجة ثانية تُحسب للقائمين على المشروع الطموح ده، ودى سابقة ما حصلتش قبل كده إلا من 16 سنة، أن ألبوم بصوت فريق عمل الفيلم يتصدر أعلى المبيعات.
باختصار شديد: أى وقت تضيعه فى قراءة الموضوع بدون مشاهدة الفيلم هو فعلاً وقت محسوب عليك علشان كده آخر حاجة هـ نقولها لك كنصيحة شخصية: قوم فورًا واعزم اثنين –أو أكثر– من حبايبك لمشاهدة فيلم بـ نوعدك أنه هـ يكون تجربة مختلفة لكم جميعًا.

عجبك ؟ جرب

Moulin Rouge.

نصيحة 360

مش هـ تشبع من مشاهدة الفيلم مرة واحدة، ممكن تحتاج لمشاهدة ثانية علشان تقدر تستمع بتفاصيل أكثر وأجمل.

أكتب تقييم

أضف تعليقاً

يجب أنت تكون مسجل الدخول لتضيف تعليقاً.

مقترح