The Definitive Guide to Living in the Capital , Cairo , Egypt

أفلام
Now You see me

Now you see me: العالم الشيق للسحر والسحرة

  • إيسلا فيشرجيس أيزنبرج...
  • إثارةحركة ومغامرات
  • لويس لترييرلويس لتريير
  • في1 Cinema
تم التقييم بواسطة
Mohamed Hamdy
قيم
قيم الآن
Now you see me: العالم الشيق للسحر والسحرة

الحقيقة أننا من المتحمسين لأفلام السحر والسحرة.. العالم الغريب المليء بالخدع المدهشة، وحركات خفة اليد وخداع البصر وتضليل المشاهدين المتشوقين لمعرفة اللعبة القادمة، طول عمرنا بـ نشوف السحرة ناس ربنا أعطاهم القدرة على الإبهار بأبسط الأساليب، وجعل فى أيدهم الخفة اللازمة لإضافة البهجة على وجوه الجميع.

الفيلم اللى أخرجه لويس لوتريه وقام ببطولته جيسى أيزنبرج، مارك روفالو بالإضافة للعالمى مورجان فريمان بـ يحكي عن مجموعة من أمهر السحرة اللى ممكن تصادفهم فى حياتك لما بـ يقرروا يسرقوا بنك بطريقة جديدة ومبتكرة، ثم بـ يحاول مكتب التحقيقات الفيدرالى الإيقاع بهم،  ثم بـ تستمر الأحداث اللى مش عاوزين نحرقها عليكم.

يعيب الفيلم من وجهه نظرنا أن بعض الحيل كانت مُتوقعة لدى جمهور المشاهدين، وأنه قد يكون فشل فى تحقيق نفس نسبة الإبهار اللى أصابتنا من مشاهدة أفلام ثانية عن السحر والسحرة، إلا أن الفيلم يظل يحسب له بعض المشاهد المبهرة وبعض التفاصيل الجميلة واستخدام كثير من الحيل غير التقليدية اللى عملت توازن مقبول من وجهة نظرنا مع المواقف المُتوقعة فى الأحداث.

الموسيقى التصويرية كانت جميلة وموظفة بشكل جيد، وكانت حماسية فى كثير من المقاطع، وفضلت مصاحبة لنا فى دندنتنا بعد الانتهاء من مشاهدة الفيلم.

عاوزين بس نتكلم أكثر عن أداء مورجان فريمان، بالنسبة لأداء أى فنان عادى كان أداء “فريمان” هـ يكون فوق المتوسط بمراحل، لكن لما نتكلم عن بطل فيلم زى The Shawshank Redemption (1994) واللى بـ يعتبر واحد من أنجح الأفلام الأمريكية  على مدى التاريخ، لازم نقول أن أداء فريمان فى الفيلم ما كانش بالعبقرية اللى تعودنا منه عليها في أدواره المعتادة.

لو كنت من محبى عالم السحر والسحرة ننصحك تشوف الفيلم لو كنت قادر على “تكبير مخك” عن بعض التفاصيل، أما لو كنت من الناس اللى من الصعب إبهارهم ننصحك تشاهد عمل ثاني.

عجبك ؟ جرب

The Prestige.

نصيحة 360

الفيلم اللى مدة عرضه حوالى 120 دقيقة تكلف ميزانيته حوالى 70 مليون دولار وحصد متوسط أصوات 7.4 من أصل 10 نجوم على موقع IMDB العالمى من خلال تصويت أكثر من 14 ألف مستخدم للموقع.

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح