The Definitive Guide to Living in the Capital , Cairo , Egypt

Star Trek Into Darkness

Star Trek Into Darkness: مجهود سينمائي محترم

  • زاكاري كوينتوزوي سالدانا...
  • حركة ومغامراتخيال علمي
  • ج.ج. أبرامزج.ج. أبرامز
تم التقييم بواسطة
Mohamed Hamdy
قيم
قيم الآن
Star Trek Into Darkness: مجهود سينمائي محترم

علشان نكون صريحين معاكم، نحب نقول لكم أننا مش بـ نحب أفلام الخيال العلمي إلا فيما ندر، لكن فيلم النهاردة حقق مزج لذيذ بين أفلام الأكشن والإثاره وبين أفلام الخيال العلمي مش بـ نشوفه إلا فيما ندر برضه.

من إخراج جى جى ابرامز بـ نشوف كريس باين و زاكرى كوينتو بالإضافه إلى زوى سالدانا وغيرهم فى مغامرة جديدة لمركبة الفضاء انتربرايز بعد تعرضها لعمليات إرهابية داخليه، فريق العمل عليها بـ يجد نفسه مضطر للدخول فى معركة ضد إرهابي واحد قوى ومسيطر على مقاليد اللعبة.

الصراع فى الفيلم خصوصًا بعد الجزء الأول بـ يأخذ منحنى نفسي أكتر منه صراع جسدي، وبـ يجد المتحكمين فى انتربرايز أنفسهم بين جحيم الإنصياع لأوامر غير منطقية، أو الإتهام بالخيانة العظمي، ما بعد ذلك مش عاوزين نحرقه عليكم لأنه يستحق المشاهدة.

الديكورات كانت أكثر من رائعة لكن فى بعض المشاهد حسينا أننا بـ نشوف نمط الحياة على كوكب الأرض اليوم وليس بعد مئات السنين. والعرض بالتقنية ثلاثية الأبعاد ما كانش مبهر زى ما كنا متوقعين ماعدا بعض المشاهد النادرة اللى حسينا فيها بأهمية التقنية ثلاثية الأبعاد.

الموسيقي التصويرية كانت جميلة لكن مستواها ماكانش بنفس قدر الإبهار البصرى رغم أننا مش ناسيين تجربة سينمائية مبهرة تم تقديمها فى السبعينيات تحت اسم ٢٠٠١ اوديسا الفضاء. كان للديكور والموسيقي أكبر أثر فى صنع التجربة المتميزة دى.

فيلم Star trek into darkness  عائلي خيالى حماسي ننصحك بمشاهدته لو كنت من عشاق أفلام الخيال العلمي.

عجبك ؟ جرب

Oblivion

نصيحة 360

كان من المقرر أن يتم تصوير الفيلم بتقنية آى ماكس فى البداية، ثم تقرر تقديمة بنسخة ثلاثية الأبعاد، بالتالى أصبح أول فيلم يتم تقديمه اولا بتقنية آى ماكس ثم تحويله لفيلم ثلاثي الأبعاد بعدها.

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح