The Definitive Guide to Living in the Capital , Cairo , Egypt

الأجمل فى هوليوود أن كثير من أفلامها بـ تعلمنا كثير من القيم اللى بـ نكون مفتقدينها فى مجتمعنا، فكرة أن الأسرة بالكامل أو أحد أفرادها يشارك فى مغامرة مجنونة لصالح أحد أفراد الأسرة مش بـ نشوفها فى كثير من الأفلام، لكن سبق قبل كده وشوفناها فى فيلم Little miss sunshine اللى حصد جوائز متعددة وغيرها من الأفلام اللى بـ نحب نتفرج عليها ونشوف المغامرة الإنسانية قبل المغامرة المثيرة من خلال أحداث الفيلم.
مخترع شاب بـ يحاول يبيع آخر اختراع له، بـ يقرر أنه يعمل رحلة على الطريق السريع للترويج للاختراع بتاعه، ده بحد ذاته أمر قادر على توليد مئات المواقف الكوميدية، لكن تعقد الأمر ومشاركة الأم فى الرحلة ضاعف من المواقف الكوميدية والشعور بالمرح بشكل عام فى أحداث الفيلم.

باربرا سترايسند ممثلة هائلة سبق وشوفناها فى Meet the Fockers وThe little fockers فى دور روزلاين، وهى فى الأصل مطربة ومنتجة وممثلة، وتقريبًا بـ تمارس كل الأدوار اللى ممكن نتخيلها فى عملية صناعة أى فيلم، وعرفنا كمان أنها من مواليد 1942 (مش باين عليها السن) فى نيويورك.
أما سيث روجن فكان معروف فى عالم الستاند أب كوميدى قبل ما يشتغل فى هوليود بشكل رسمى وشارك بصوته فى كثير من أفلام الـ Animation قبل كده، يعنى بشكل أو بآخر الثنائى ده ما ينفعش يطلع منه حاجة وحشة، لكن بعض المشاهد كان فيها تطويل أو حسينا أن الكوميديا فيها كانت Over حبتين، بس فى النهاية المشاهدين خرجوا من دار العرض مبسوطين.