The Definitive Guide to Living in the Capital , Cairo , Egypt

The Internship

The Internship: عن ديناصورات الواقع

  • أوين ويلسونروز بايرن...
  • كوميدي
  • شون ليفيشون ليفي
تم التقييم بواسطة
Mohamed Hamdy
قيم
قيم الآن
The Internship: عن ديناصورات الواقع

الحقيقة أننا بـ نحب متابعة أفلام هوليوود اللى بـ تتكلم عن عالم الكمبيوتر والإنترنت والتكنولوجيا بشكل عام، من أيام You have got mail وحتى النهاردة، العالم الإلكترونى لما بـ يتم تجسيده على الشاشة بـ يعطينا شعور بالحميمية، خصوصًا لو كان الموضوع اللى بـ يتم مناقشته عن موقع أكثر من عالمي هو محرك البحث الأشهر: جوجل.

البوستر الرسمى للفيلم بـ يظهر أبطال الفيلم على خلفية بيضاء تمامًا، وتحتهم مربعات البحث المميزه لعملاق البحث جوجل، وتحتها اسم الفيلم بالألوان المميزه للشعار الأساسى للموقع الأشهر على الإطلاق، رغم بساطة الفكرة إلا أنها كانت عبقرية للغاية وربطت بين قصة الفيلم وبين أول شىء بـ يطالعه مشاهد الفيلم “البوستر”، ونتمنى نشوف الأفكار الخلاقة دى عندنا بدل ما إحنا مقضيينها سرقة بوسترات وأفكار أفلام بالكامل من هوليوود!

من إخراج شون ليفى، وتأليف فينس فوجان (وبطولته كمان) وجارد ستيرن، ومن بطولة أوين ويلسون وروز بيرن، بـ نشوف قصة شابين بـ يتم الاستغناء عنهم نتيجة عدم قدرتهم على التكيف مع ظروف العمل الجديدة المرتبطة بالإنترنت والتكنولوجيا، ثم بـ يوقعهم القدر فى فرصة لما يشبه الوظيفة فى موقع جوجل العالمى، الأمر اللى بـ ينتج عنه عدد لا نهائى من المواقف الطريفة اللى بـ يستغلها المخرج شون ليفى بذكاء يحسب له.

الديكورات كانت أكثر من رائعة، والاهتمام بأصغر التفاصيل كان حاضر طوال الوقت، حتى أننا بـ نشوف أحد المدراء التنفيذيين الحقيقيين فى جوجل فى أحد المشاهد النهائية فى الفيلم، وغيرها من التفاصيل الصغيرة.

جرعة الكوميديا كانت ذكية وموظفة بدقة، استمتاعك هـ يزيد لو كنت من متابعى عالم التكنولوجيا بشكل عام وجوجل بشكل خاص لأن الفيلم زى ما قولنا بـ يحتوى على بعض الرسائل الهامة بالإضافة للكوميديا.

The Internship فيلم متميز ننصحك به لو كنت من محبى الكوميديا والتكنولوجيا.

عجبك ؟ جرب

The social network

نصيحة 360

على الرغم من أن الفيلم فى معظمه كوميدى، إلا أن من بعض الرسائل المهمة اللى لاحظناها فيه: الدعوة لمحو الأمية الإلكترونية، إحنا محتاجين الموضوع ده بشدة فى مجتمعاتنا اللى لسه ناس كثير فيه بـ تعانى من الأمية الإلكترونية ناهيك عن الأمية العادية اللى تعنى عدم القدرة على القراءة والكتابة من أصله!

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح