The Definitive Guide to Living in the Capital , Cairo , Egypt

The Place Beyond the Pines

The place beyond the pines: قصة ممتازة لكن مملة

  • أنثوني بيتزاإيفا منديز...
  • إثارةحركة ومغامرات...
  • ديريك سيانفرانسديريك سيانفرانس
تم التقييم بواسطة
Mohamed Hamdy
قيم
قيم الآن
The place beyond the pines: قصة ممتازة لكن مملة

نتيجة اختلاط قصة جيدة بسيناريو ممل او إخراج (مترهل) بـ تكون زى اختلاط الصبار بالعسل. فيلم ماينفعش نقول عليه رائع وفي نفس الوقت مانحبش نقول عليه فاشل.

من إخراج ديريك سينفرانس وبطولة ريان جوزلينج وبرادلي كوبر وايفا مينديز بـ نشوف قصة سائق موتسيكلات محترف بـ يكتشف أن له إبن من علاقة عابرة بإحدى السيدات، الاكتشاف بـ يغير شكل حياته وبـ يخليه أكثر استقرارا وبحثا عن عمل محترم. إلا أن تيار الفقر بـ يجرفه للدخول فى عمليات سرقه بنوك غير مشروعه ثم بـ تتطور الأحداث بأشكال مختلفه وغير مسبوقه، نفضل أنكم تشوفوها بنفسكم بدل ما نحرقها عليكم.

رغم أن القصة متميزة، إلا أن الإخراج ماكانش بالقوة اللي كنا متوقعينها، وأثناء الاستراحة لاحظنا أن بعض المشاهدين خرج من الفيلم بلا عودة. السبب كان حالة الملل اللي تسبب فيها الإيقاع الواقع للفيلم، السيناريو كمان كان مشترك في حالة الوقوع اللي حصلت للفيلم نتيجه التركيز الطويل علي بعض الأحداث اللي ماكانش لها تأثير كبير علي أحداث الفيلم. ناهيك عن بعض المبالغات اللي كانت غير منطقية زى عمليه سرقه البنوك اللى كانت بـ تتم بسهولة ويسر كبيرين.

الديكورات كانت جميلة، لكن الموسيقي التصويرية ماكانتش بالقوة اللي متوقعينها وماحسيناش أنها سابت أثر كبير جوانا.

 The place beyond the pines فيلم أكشن إنساني متواضع، ممكن تشوفه تمريرًا للوقت، لكن ما تتوقعش منه أكتر من كدة.

عجبك ؟ جرب

The Bank Job

نصيحة 360

 رغم أن الفيلم مافيهوش مشاهد إباحية كاملة، إلا أن بعض المشاهد العنيفة ومشاهد التدخين المكثف أو استعمال المخدرات تخلينا مانحبش أن الشباب والأطفال أقل من ١٦ سنه يشوفوا الفيلم.

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح