The Definitive Guide to Living in the Capital , Cairo , Egypt

The SpongeBob Movie: Sponge Out of Water

The SpongeBob Movie: Sponge Out of Water: مغامرة جديدة لسبونج بوب

  • أنتونيو بنديراسبيل فاجيربيك...
  • ثلاثي الأبعادحركة ومغامرات...
  • بول تيبيتبول تيبيت
  • في1 Cinema
تم التقييم بواسطة
Mohamed Hamdy
قيم
قيم الآن
The SpongeBob Movie: Sponge Out of Water: مغامرة جديدة لسبونج بوب

بعض أفلام الأنيميشن بـ تقدم أفكارها بالأساس للكبار، والبعض الآخر بـ يخاطب الصغار، البعض الآخر بـ يخاطب الكبار والصغار على حد سواء، السؤال هو: المغامرة الأخيرة لـ "سبونج بوب" بـ تخاطب مين بالأساس؟

الإجابة المباشرة: أن الفيلم بالأساس بـ يخاطب جمهوره من صغار السن، الأطفال اللى بـ يحبوا المغامرات المصحوبة بالأغاني للأسفنجة خفيفة الدم "سبونج بوب"، واللى بـ تقدر تلاقى حل لأي مشكلة بـ تقع فيها، ده اللى قدمه المخرج بول تيبيت فى أحدث أفلامه، مع أداء صوتي من أنطونيو بانديراس فى دور القرصان الشرير "برجر بيرد"، واللى بـ يسرق وصفة سبونج بوب الشهيرة للبرجر، الأمر اللى بـ يعمل مشكلة كبيرة لـ "سبونج" بـ تضطره للسفر فى الزمن للحصول على وصفته من جديد.

على الرغم من أن التركيز الأساسى لإعلان الفيلم، على دخول سبونج بوب للعالم الحقيقي، إلا أن ده ما حصلش فى أحداث الفيلم إلا بعد نهاية نصف الفيلم الأول تقريبًا، وده كان من الأمور اللى جعلتنا نشعر بإحباط، لكن الحقيقة أن الجزء اللى بـ يتناول احتكاك سبونج بالعالم الحقيقي كان مضحك وكوميدي إلى أبعد الحدود.

الموسيقى التصويرية للفيلم والأغاني كانت قوية، قد لا تكون بالقوة اللى نتوقعها، لكن فى المجمل كانت قوية ومركزة، لكن تقنيات العرض وأسلوب الخدع كان أقل من المتوسط، وغير مناسب لفيلم بـ يعرض فى 2015، لكن الأداء الصوتي للأبطال هو اللى كان مميز وقوي إلى أقصى درجة.

فيلم The SpongeBob Movie يعتبر قوي ومثالى لو عاوز تخلى أولادك يشوفوا فيلم عن قيمة التعاون وعمل الفريق بأسلوب كوميدي لطيف، لكن لو عاوز تتفرج على فيلم أنيميشن يغير طريقة تفكيرك نفسها، أكيد سبونج بوب مش هـ يكون الفيلم المناسب لده.

عجبك ؟ جرب

Barbie in Princess Power.

نصيحة 360

الفيلم تكلف حوالى 70 مليون دولار أمريكي. 

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح