ترميم سينما “بالاس” التراثية بمصر الجديدة… زمن الفن الجميل راجع تاني
الحفاظ على التراث القاهرة تاريخ ترميم سينما بالاس حكايات مباني سينما بالاس مصر الجديدة
Cairo 360
مصر الجديدة مليانة قصور ومباني تاريخية وقديمة تخليك عاوز تحول المنطقة كلها لمتحف مفتوح، بس للأسف مش كل المباني دي مسجلة كمباني تاريخية، لكن كبداية حصلت حاجة إيجابية محتاجين ندعمها ونشجعها وهي ترميم سينما بالاس بمصر الجديدة.
في شارع الأهرام بحي مصر الجديدة، قدام قصر الاتحادية الرئاسي الناحية التانية، هتلاقوا مبنى عريق وطويل مقفول من سنين.. شبابيكه متهالكة وأماكن أفيشات الأفلام فاضية، كأنه في حالة حزن على زمنه اللي راح. لكن رغم كل ده لسة محتفظ بجماله الصامت.
ويعتبر ترميم سينما بالاس جزء من ضمن خطة الحفاظ على العقارات التراثية اللي ليها طابع معمارى مميز، واللي كانت بدأت بالفعل في بعض العقارات والمباني التانية بالتعاون مع أجهزة الحي ومبادرة إحياء تراث مصر الجديدة وبعض البنوك ومؤسسات المجتمع المدني.
ده غير الخطة اللي بتتنفذ بالتدريج لإنارة الشوارع وتخصيص جزء من الشارع للعجل واللي بدأت بالفعل.
الصورة: من موقع المنصة.. تصوير ميشيل حنا
