The Definitive Guide to Living in the Capital , Cairo , Egypt

أرابيسك – Arabesque

أرابيسك: مطعم ومكان للسهر مصري من اللي على أصوله

  • 6 شارع قصر النيل
  • مصري
  • 0225748677,0225747898
تم التقييم بواسطة
Soraya Morayef
قيم
قيم الآن
أرابيسك: مطعم ومكان للسهر مصري من اللي على أصوله

بعد ما كان من أشهر أماكن السهر في السبعينات، «أرابيسك» اختفى من على الساحة لغاية ما إدارة جديدة إتولت المكان، و«ستيلا» أصبحت الراعي الرسمي للمطعم، وقامت «Impact BBDO» بتجديده بالكامل، في أكتوبر 2009. ومن ساعتها المطعم ابتدى ياخد وضعه تاني كمكان شيك وشبابي للسهر، وفعلاً مطبخه المصري الأصيل، ماشي تمام مع الديكور الرائع، اللي طعمه هو كمان مصري أصيل، بمشربيات، ونجف رقيق من المرمر، وصور راقصات من بتوع زمان، بالبدلة والخِمار!

وعشان «ستيلا» بقت الراعي الرسمي للمطعم،   مستعملين النجمة كحِلية في تزيين الحيطان، الكراسي، والمصابيح المتعلقة على الحيطان. أعمال فنية مصرية أصلية على الحيطان، وشاشات كبيرة بـ تعرض رقص شرقي من أفلام أبيض وإسود، كل ده بـ يضفي على المكان جو كباريه مصري من بتوع زمان. وفيه عرض رقص شرقي كل خميس وجمعة. العرض زادت شعبيته لدرجة انك لازم تحجز مكان قبل يوم العرض باسبوع على الأقل. وفي الويك إند، لو مش حاجز مستحيل تعرف تدخل، حتى لو واسطتك مين.

قررنا نجرب «أرابيسك» يوم الإتنين. بالنسبة للساعة 8، كان زحمة بدرجة معقولة. والزباين كانوا أجانب على مثقفين على شباب. الخدمة كانت سريعة ومنتبهة لينا، من غير ما تكون زنانة زي ما بـ يحصل في أماكن تانية أحياناً.

أكلنا فول مهروس، ورق عنب، زبادي بالنعناع والخياروكشك كمقبلات. الفول كان رائع، كان زي الكريمة وطعمه كان معسل شوية. ورق العنب كان مزز ومستوي حلو، ماشي مع الزبادي تمام. الكشك كان أحسن كشك أكلناه في البلد كلها، هجمنا عليه لغاية ما مسحنا الطبق. الطبق الرئيسي كان ملوخية بالفراخ، وكان تحفة، والثوم اللي فيه كان مظبوط. «المكس جريل» أو طبق المشويات المشكل،على عكس اللي سبقه، كان ناشف ومش ممتع. كل ده وزيادة عليه المشروبات، والحساب كان 300 جنيه   لفردين. مش وحش بالنسبة لمستوى الخدمة وجودة الأكل.

نصيحة 360

روح في وسط الاسبوع، هـ تكون سهرة لطيفة من غير ما تحتاج تحجز. * تنبيه: هذا المكان يقدم مشروبات كحولية.

أحسن حاجة

المَزّْة رائعة، أسعارها ممتازة هي والمشروبات، ومستوى الخدمة.

أسوأ حاجة

المزيكا كانت عالية شوية، والـ«DJ» اللي كان عنده شيزوفرانيا عشان ماكنش ظابط المكس بين الشرقي والـ«هاوس».

Map Data
Map data ©2016
Map DataMap data ©2016
Map data ©2016

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح