The Definitive Guide to Living in the Capital , Cairo , Egypt

القاهرة بالليل
فندق وبار كارلتون – Carlton

فندق كارلتون: تراس بمنظر هايل في وسط البلد

تم التقييم بواسطة
Hannah Cooper
قيم
قيم الآن
فندق كارلتون: تراس بمنظر هايل في وسط البلد

أنك تخرج بعد الظهر تقعد في مكان مفتوح على شوارع القاهرة وتشم شوية هواء حلوين، حاجة كلنا بـ يبقى نفسنا نعملها، المشكلة دايماً إن نادراً ما بـ يكون في مكان بالمواصفات دي ومعظم الإختيارات بـ تبقى أماكن مكيفة وممكن كمان تبقى
برد بزيادة.

في شارع 26 يوليو وقدام دار القضاء العالي، موجود فندق «كارلتون» من سنين
طويلة وناس كتير مش بـ تاخد بالها منه، هو مشهور أكتر بين رواد وسكان منطقة وسط
البلد، وأشهر حاجة فيه السطح بتاعه والقعدة في التراس من فوق. بسبب شهرته دي قررنا نطلع الدور الـ8 ونشوف الفندق القديم ده ممكن يقدملنا إيه.

في الجزء المقفول منه، الـ« Indoor»، الديكور بسيط وكلاسيكي والقعدة عبارة عن كنب ركن، وفيه أرضية للرقص « Dance Floor» عليها إضاءة شديدة بس كانت فاضية، فطلعنا برة في
التراس وهناك لقينا معظم الناس اللي في المكان.

التراس واسع ومليان ترابيزات عليها مفارش وكراسي من الخوص متوزعة على أطراف
المكان، وسلسلة من اللمبات متعلقة حوالين التراس المحاط بالأشجار، والمنظر من فوق
خرافي لشوارع وسط البلد. المكان هادي ومفتوح ونظيف – من يعوز أكتر من كده؟ فيه شاشة
تليفزيون دايماً بـ تعرض أحسن كليبات لمطربات عالميات زي ماريا كاري وأليشا كيز.

فيه زي أوضة صغيرة قدام التراس فيها ترابيزة واحدة وقعدتها رومانسية جداً
ومتصممة بمنتهى الشياكة، والمشروبات أسعارها معقولة عصير المانجو مثلاً بـ10 جنيه
وبـ يتقدم ساقع متلج وفريش طبعاً.

الشيشة مش بطالة، بـ13 جنيه وفيه نكهة التفاح بس والمعسل العادي، وبـ
تتقدم مظبوطة وفحمها مية مية.

خروجة حلوة هـ تقضيها على الروف ده، المنظر من فوق حلو والأسعار رخيصة
والجو هادي يساعدك على الإسترخاء والتأمل، ومنيو المأكولات كبير وفيه ساندوتشات
وأطباق رئيسية وسلاطات.

نصيحة 360

إختيار مثالي لخروجة مع أصحابك آخر الشهر. * تنبيه: هذا المكان يقدم مشروبات كحولية.

أحسن حاجة

الأسعار كويسة والمنظر من فوق تحفة.

أسوأ حاجة

مش كل حاجة مكتوبة في المنيو موجودة، لازم تتأكد من الويتر.

Map Data
Map data ©2016
Map DataMap data ©2016
Map data ©2016

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح