The Definitive Guide to Living in the Capital , Cairo , Egypt

لو بيسترو بوب – Le Bistro Pub

لو بيسترو ﭘَب: مكان هادي وسط البلد

  • 8 شارع هدى شعراوي
  • 23927694
تم التقييم بواسطة
Hannah Cooper
قيم
قيم الآن
لو بيسترو ﭘَب: مكان هادي وسط البلد

إتكعبلنا بالصدفة في مكان جديد في وسط البلد، إسمه «لو بيسترو ﭘَب – Le Bistro Pub». المكان ده إختيار رائع على سبيل التغيير لو كنت متعود تروح «الحرية» أو «النادي اليوناني». بس إوعى تفهمنا غلط، إحنا أكيد بـ نحب الأماكن دي، بس من وقت للتاني بـ تبقى محتاج مكان جوّْه أهدى شوية تاخد فيه مشروب على رواقة.

جنب مطعم «لو بيسترو» في شارع «هدى شعراوي» وعلى الناصية اللي بعد «الحرية» هـ تلاقي «لو بيسترو ﭘَب»، هـ تلاقيه مبنى حواليه سور إسود وبسلالم بـ تنزلك للپَب. الديكور من جوة مودرن وألوانه بين الأحمر والرمادي. الإضاءة هادية ومريحة وبـ تدي المكان جو حميمي. القعدة عبارة عن كنب مريح، كل كنبتين بينهم ترابيزة، ده غير الترابيزات العالية المحشورة في مساحات ضيقة.

وقت ما كاتب المقال ده كان هناك كان فيه ماتش كورة شغال في التليفزيون وكان واضح أن العاملين في المكان كانوا مستمتعين بالماتش أكتر من أي حاجة تانية، بس وقت ما قررنا نطلب ما حصلش إنهم أظهروا أي ضيق بالعكس كانوا متعاونين ولطاف جداً (للأسف في مصر ده مابقاش أمر طبيعي!). وعشان مطعم «لو بيسترو» جنب الپَب على طول فـ ممكن تطلب أي حاجة من منيو المطعم وانت في الپَب، بس إحنا قررنا نطلب طبق مقبلات صغير وبس.

المنيو كان فيه أطباق مقبلات زي «بروشيتا بالفراخ» (البروشيتا عبارة عن عيش محمص بالثوم وزيت الزيتون وأحياناً بـ يتضاف عليه طماطم وفلفل)، وده بـ16 جنيه، وسمك مقلي بنفس السعر، ومزَّات الجبنة والطماطم برضه بـ16 جنيه. إحنا إستقرينا على طبق السلمون المدخن وده بـ28 جنيه و بـ يجي على الوش قطعة عيش توست عليها نبات الكبر(Capers) وقطع البصل والبيض والطماطم. كمية السلمون كانت معقولة بالنسبة للسعر وكان طعمه طازة لحد كبير، بس بعض أجزاء منه كانت تقريباً لسه متجمدة.

فيه كمان مجموعة فريدة من الكوكتيلات الغير كحولية زي «ميامي ﭭايس – Miami Vice» و ده عبارة عن موز وليمون ونعناع وسعره 18 جنيه ونص .

الفاتورة هـ تيجي بـ 5 جنيه زيادة للفرد للـ”كوڤر – Cover” (وأحياناً بـ يكون المقصود به العيش والزبدة اللي بتـ تقدم قبل الأكل وبـ يضاف برضه في غيابهم في بعض الأماكن). بس مفيش حد أدنى للطلبات (Minimum Charge). في جميع الأحوال، المكان ممتاز لخروجة مختلفة بعد الضهر في وسط البلد. روح «لو بيسترو» لو عايز قعدة هادية تعرف تدردش مع أصحابك فيها بهدوء.

نصيحة 360

المكان بـ يكون فاضي تقريباً بعد الضهر بشوية.   *تنبيه: هذا المكان يقدم مشروبات كحولية.

أحسن حاجة

القعدات المريحة مع المشاريب خليط رائع.

أسوأ حاجة

المزيكا مش متنوعة قوي، وتوقع إنك تسمع حاجات زي «ريانا – Rihanna» و«ﭼـاى زي- Jay Z» طول الوقت.

Map Data
Map data ©2016
Map DataMap data ©2016
Map data ©2016

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح