The Definitive Guide to Living in the Capital , Cairo , Egypt

تسوق
إمتنان هيلث شوب – Imtenan Health Shop

إمتنان هيلث شوب: نساعدك لتعيش حياة صحية فى القاهرة

  • المعادى سيتي سنتر - البوابة 3
  • صحة وتجميل
تم التقييم بواسطة
Alicia Yassin
قيم
قيم الآن
إمتنان هيلث شوب: نساعدك لتعيش حياة صحية فى القاهرة

على
قد ما المصريين بـ يستمتعوا بممارستهم لعادات مش صحية، فيه علاجات عضوية معينة ووصفات
صحية تم ممارستها في مصر من قرون حتى قبل ما العالم الغربى يعرفها. يمكن الموضوع
له دخل بالفراعنة. الأيام دى بقينا نشوف محلات أكثر متخصصة فى المنتجات العضوية
كبديل للأسواق العادية، ومكان زى ده ممكن تلاقيه منتشر فى كل أنحاء المدينة واسمه «إمتنان – Imtenan».

إحنا زرنا فرعهم فى سيتى
سنتر المعادى وكان عبارة عن كشك صغير أمام محل “Faces”. كنا رايحين على أساس يوصفوا لنا مكملات غذائية، بس اكتشفنا
أن تشكيلتهم من المنتجات لها استخدامات كثيرة. 

قرب مننا رجل لابس بالطو
معمل، وسألنا عن طلبنا، هو كان لطيف، رسمى ومثقف. بعد ما تأكدنا أن طلبنا هو علبة
من منشط للمرأة Woman Vitality’
سعره 38 جنيه واللى بـ يناسب احتياجنا، قررنا ندور أكثر.

لو قررت فى يوم أنك تنشط
تنفسك وتبقى إنسان صحى، إمتنان مكان مناسب لبداية تسوقك. بحوالى 25 جنيه اشترى
لنفسك برطمان حجمه مناسب من الفواكة الحامضية الطبيعية أو عسل البرسيم الخام؛ عسل
الجنسينج سعره الضعف (50 جنيه). عندهم كمان مجموعة من الكوكيز والبسكويت بقطع الشوكولاتة
أو نكهة الطماطم (5: 10 جنيه) ده غير قطع الموز المجففة (5 جنيه).

كمان من ضمن العرض مجموعة
من أصناف الشاى زى شاى للتخسيس، شاى البقدونس والكرفس وأحسنهم شاى نقاء البشرة (7.50
جنيه). البروتين بار سعره 7 جنيه، أما مكملات غذائية ثانية –مش من ضمنهم اللى تكلمنا
عنه فى الأول الخاص بنشاط السيدات– زى بذور الكتان وبذور السيليوم (15: 25 جنيه)، بالإضافة لمجموعة منتجات مخصصة
لأمهات المستقبل.

منتجات للعناية والحفاظ على الصحة برضه موجودة زى
منتجات للشعر والبشرة للاستخدام الخارجى. مجموعة من زيوت الشعر زى زيت الجوجوبا، والجرجير،
وجوز الهند، والكينا
واليوريكا بـ 10 جنيه، وبـ 24 جنيه تقدر تجيب زجاجة من زيت جنين القمح. ممكن كمان
تعمل خلطتك الشخصية من الزيوت على حسب طلبك.

“إمتنان” كمان بـ يقدم مجموعة من صابون
الأيدى بزيت الزيتون، والبروبوليس، والنعناع والروزمارى ودول أمثلة من النكهات الموجودة لو صح التعبير. سعر
القطعة من 12: 15 جنيه.
مع فروع كثيرة منتشرة فى
القاهرة، نجاح “إمتنان” الواضح مش بـ يمثل مفاجئة. مع مجموعة لطيفة من
منتجات وأغذية طبيعية صحية، والخدمة المتميزة القائمة على المعرفة، نقدر نعطى
المكان ده الدرجة النهائية.

نصيحة 360

تكلم مع الفنيين علشان يعرَفوك إيه الأنسب لك

أحسن حاجة

كل المنتجات طبيعية بأسعار معقولة.

أسوأ حاجة

الشكل الجمالى للتغليف مش على المستوى؛ شكله بدائى شوية.

Map Data
Map data ©2016
Map DataMap data ©2016
Map data ©2016

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح