The Definitive Guide to Living in the Capital , Cairo , Egypt

إنفوتيس – Invotis

إنفوتيس: إكسسوارات منزلية هولندية مختلفة فى سيتى ستارز

  • سيتي ستارز، المرحلة الثانية، الدور الأرضي.
  • إكسسوارات
  • 01002226343,01004440501
  • 10 صباحاً - منتصف الليل
تم التقييم بواسطة
Jessica Noble
قيم
قيم الآن
إنفوتيس: إكسسوارات منزلية هولندية مختلفة فى سيتى ستارز
إنفوتيس الموجود جنب محل ذا كريب -شقيقه- فى الدور الأرضى فى سيتى ستارز بـ يشد الانتباه باللوحات الحمراء المشرقة وأرضية المكان اللامعة. المحل بدأ فى هولندا سنة 1995، ودلوقت بقى عنده فروع فى كل أنحاء العالم، ومن ضمنهم كذا فرع قريب وداخل القاهرة.
المعروضات المرتبة بشكل أنيق مع مجموعة من الإكسسوارات المنزلية الغريبة والرائعة فى نفس الوقت من أقلام مبتكرة شبه طلاء الشفاه (45 جنيه) لغاية منبهات مطرقعة معمولة من التروس الميكانيكية (995 جنيه) بـ تخليك دائمًا قادر تلاقى عندهم حاجة فريدة.

لأميرات المطبخ -أو الأمراء لو يحبوا- شوفنا زوج من قفازات الفرن وفيها حجر كريم كبير موجود على أصبع البنصر (110 جنيه) وشوية أكواب 2 قيراط (85: 145 جنيه) ودى عبارة عن مجات حجمها عادى أو بحجم السبريسو فيها خاتم ماسى على قد الأصبع، بدلاً من يد المج العادية. لاحظنا كمان قوالب لطيفة على شكل قلب علشان قلى البيض أو البان كيكس سعرها 55 جنيه وكمان أشكال لقطع سوشى بـ تستخدم كمغناطيس للثلاجة (65 جنيه لعبوة فيها 5). وبمناسبة السوشى عندهم كمان عصيان أكل صينى مربوطين ببعض بسوستة من فوق علشان تمنع أى غلطة تسبب فوضى.
لو بـ تدور على حاجات رجالى شوية، عندهم مجات بأيد زى المسدس (+190 جنيه) وكمان أكواب صغيرة بيد تصميمها مشابه للى فات (155جنيه لعلبة فيها 4). حامل شمع على شكل مسدس سعره 195 جنيه وطفاية سجائر على شكل محطة توليد كهرباء بـ تكملها مدخنة للتخلص من أى دخان بـ 160 جنيه.
بالنسبة للسيدات شوفنا ملمع شفاه فاتن على شكل دوناتس وشنط ماكياج روشة مزينة بصور مستحضرات تجميل على مقدمتها (65 جنيه). شكل مصغر لزجاجات مياه ساخنة بغطاء سلك محكم كانت سعرها 115 جنيه ،وأفارول صغير منفوخ ومعطر مُعلق على شماعات صغيرة، معمول علشان يُعلق فى الدواليب (65 جنيه لعلبة فيها قطعتين).
آلات حاسبة على شكل لوح شوكولاتة سعرها 75 جنيه وجواكيت للفاكهة –عبارة عن شنطة بسوستة علشان تمنع الفاكهة من التخبيط- سعر الواحدة منها 110 جنيه. شباشب على شكل ناموسة سعرها 95 جنيه.
ساعات كبيرة شكلها مصنوعة من ورق كرتون بنى سعرها يبدأ من 195 لغاية 230 جنيه على حسب المقاس، فازات بيضاء على شكل شنط ورقية مهترئة بـ تبدأ من 270 لغاية 480 جنيه.
رغم أن بعض المنتجات تحسها مبهرجة إلى حدٍ ما، بس إحنا بـ نعتبرها حاجات ظريفة ومختلفة رغم أن سعرها مرتفع شوية.

نصيحة 360

صفحة إنفوتيس على الفيسبوك فيها كثير من أحدث منتجاتهم. ادخل عليها قبل ما تطلب خدمة التوصيل من خلال 01004440501.

أحسن حاجة

مجموعة متميزة من الإكسسوارات الظريفة المعاصرة.

أسوأ حاجة

بعض الأسعار غالية بشكل مش طبيعى.

Map Data
Map data ©2016
Map DataMap data ©2016
Map data ©2016

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح