The Definitive Guide to Living in the Capital , Cairo , Egypt

إنكوكو إيجيبت – Incoco Egypt

إنكوكو إيجيبت: متجر إلكتروني قاهري لبيع ماركة زينة للأظافر الأمريكية

  • للتسوق عن طريق الإنترنت فقط
  • صحة وتجميل
  • 01067389740
تم التقييم بواسطة
Aliaa Serry
قيم
قيم الآن
إنكوكو إيجيبت: متجر إلكتروني قاهري لبيع ماركة زينة للأظافر الأمريكية

صحيح كثير من الناس شايفين أن مواقع التواصل الاجتماعي تافهة ومالهاش أهمية، لكن في مصر الموضوع يختلف، عدد اللايكات على صفحات الفيسبوك وإنستجرام أهميتها بـ تزيد للقاهريين مع توجه عدد من الناس لعرض منتجاتهم عليها، من هنا، كثير قرروا يستوردوا منتجات مش متوفرة في مصر، زي مستحضرات التجميل والملابس. "إنكوكو إيجيبت – Incoco Egypt" عمل كده، وبـ يقدم لأهل القاهرة من محبي أفكار تزيين الأظافر ماركة شرائط الأظافر الشهيرة "Incoco".

لاقينا حسابهم على إنستجرام، وشوفنا في منتجاتهم بديل هائل لطلاء الأظافر بكل صعوبة تنفيذه وبهدلته، من غير تفكير كلمناهم على WhatsApp، واختارنا ألواننا المفضلة من بين منتجاتهم المعروضة على حسابهم وحددنا ميعاد لمقابلتهم واستلام شرائطنا.

اختياراتنا كانت درجة من اللون البنفسجي 'Royalty' بـ (40 جنيه)، 'Passion' باللون الأحمر (40 جنيه) وطقم مانيكير فرنسي تقليدي (50 جنيه). مع عرض 3 بسعر 2، دفعنا في الآخر ثمن اثنين بس (إجمالي 90 جنيه). إنكوكو إيجيبت بـ يقدم مجموعة متنوعة من درجات الألوان، وكمان تصميمات مختلفة، تشمل أشكال ورد، لمّيع وشرائط بلونين. طلباتنا وصلت في الوقت المحدد وشرحوا لنا طريقة استخدامهم، وكمان معاهم مبرد أظافر هدية.

علشان نكون صرحاء معاكم، أصعب حاجة في الموضوع كانت تركيب الشرائط، كل مجموعة بـ تتكون من 14 شريط، 7 لكل يد، بحيث يتبقى عندك قطع إضافية علشان الغلطات اللي ممكن تحصل وقت التركيب، أول ما عرفنا نركبهم، حسّينا بسهولة الموضوع، وفي الحقيقة، طلع أسهل بكثير حتى من طلاء الأظافر.

الشرائط كانت مضبوطة على الأظافر وشكلها النهائي كان ممتاز- طبعًا على قد ما قدرنا بالنظر لصعوبة تركيبها، كمان بعد تركيبها، نشفت فورًا على الأظافر، طبعًا علشان الشرائط دي أصلًا معمولة من طلاء أظافر بعد ضغطه وتجفيفه، شكلها كان بـ يلمع زي الطلاء بالضبط.

عمومًا، شرائط إنكوكو عملية أكثر مما تتخيلي، خصوصًا لو كنت مستعجلة ومافيش وقت علشان تستني طلاء الأظافر ينشف. الأسعار ممكن تشوفيها غالية شوية، خصوصًا أنها للاستخدام مرة واحدة بس، بغض النظر، جودة وكفاءة المنتج، مع الخدمة السريعة والمضبوطة، بـ تعوَّض فرق السعر البسيط.

نصيحة 360

ادخلي على صفحة إنكوكو على فيسبوك وإنستجرام لمعرفة أجدد التصميمات والأشكال.

أحسن حاجة

الشرائط بـ تشنف سريعًا على الأظافر وتركيبها بـ يكون أسهل مع الوقت.

أسوأ حاجة

الأسعار تعتبر كثير شوية بالنسبة إلى أن الشرائط بـ تستخدم مرة واحدة.

Map Data
Map data ©2016
Map DataMap data ©2016
Map data ©2016

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح