The Definitive Guide to Living in the Capital , Cairo , Egypt

بايو شوب – Bio Shop

بايو شوب: منتجات عضوية وإكسسوارات منزلية

  • 27 شارع 231
  • أكل جورميه
  • 0225212103
تم التقييم بواسطة
Cairo 360
قيم
قيم الآن
بايو شوب: منتجات عضوية وإكسسوارات منزلية

لو بـ تحب الأكل والمشروبات العضوية
يبقى أكيد عارف إن محلات المنتجات العضوية قليلة جداً في القاهرة.

«بايو شوب – Bio
Shop
» موجود
في دجلة المعادي في المُجَمَع البنائي اللي ورا
مطعم «كريف – Crave»
على طول. المحل صغير بس هـ يوفرلك الأكل الصحي وعضوي اللي انت محتاجه، والعاملين
هناك ودودين ولُطاف جداً.

المكان من جواه مش منظم بالقدر الكافي،
فـ ممكن تاخد وقت على ما تلاقي اللي انت عايزه. وبالرغم ان عنده المنتجات العضوية
المنتشرة اللي ممكن تلاقيها في «مترو» و«ألفا ماركت» زي منتجات «سيكم –
SEKEM»
مثلاً، إلا ان الميزة في الشراء من هناك انه بـ يديلك فرصة انك تساعد المنتجين
المحليين اللي مش بنفس شهرة وإنتشار غيرهم من الشركات المنتجة للأغذية العضوية.

عندهم توفو (بديل نباتي للحم) وعسل من «إيزيس
Isis»، وإختيارات التوفو عندهم كتير وبـ تختلف كل يوم عن اللي قبله. بس
توقع انك تدفع مبالغ كبيرة مقابل حاجات أسعارها العادية مش غالية وده طبعاً عشان
الأكل ده بـ يكون عضوي وبالتالي مكلف أكتر في إنتاجه، على سبيل المثال برطمان العسل
بـ45 جنيه، ولمّا رُحنا كانت قوالب التوفو اللي موجودة بـ تبتدي من حوالي 20 جنيه.

اللي عجبنا قوي بقى هناك كان لبن
الصويا، بـ يبقى متوفر دايماً في المحل وسعره بـ يبقى ما بين 12 لـ 15 جنيه على
حسب نوعه، وطبعاً الأسعار دي كويسة جداً مقارنةً بأسعار محلات المنتجات العضوية
التانية، بس للأسف ماعندهمش لبن الصويا بالشيكولاتة، عندهم بس الفانيليا والعادي.

غير المأكولات والمشروبات كمان، «بايو
شوب» عنده اكسسوارات منزلية ومشغولات يدوية وأسعارها بـ تبتدي من 7 لـ10 جنيه. فيه
كمان أزايز زيوت طبيعية زي اللافندر وخشب الصندل ودول ممتازين للبشرة والشعر أو
حتى للإستخدام كمعطر جو في الفواحات. ده غير ان عندهم فواحات سيراميك (حوالي 20
جنيه).

أكتر حاجة عجبتنا هناك كانت تابلوهات
الحائط  (70 جنيه) اللي مستوحاة من ثقافة
الماهايانا البوذية ومعمولة بدرجات اللون البني والبرونزي. التابلوه بـ يبقى 2
x2
متر ومعمول بإتقان ومناسب للأوض اللي سقفها عالي. فيه هناك كمان مشغولات يدوية زي
مفارش الترابيزات وخزف وحاجات تانية كتيرة.

بـ نشجعك تعدي على المحل لو في المنطقة، وما
تتفاجإش لو لقيت هناك منتج يخليك تستعجب إنت ليه عمرك ما جيت هنا قبل كده.

نصيحة 360

مافيهاش مشكلة لو فاصلت في أسعار الإكسسوارات المنزلية.

أحسن حاجة

بما إن لبن الصويا دايماً متوفر، فـ صعب تلاقي هناك نقص في أي حاجة.

أسوأ حاجة

مكان المحل مستخبي وسهل قوي إنك تفوته. الأحسن إنك تدور على «كريف» وتدوَّر على المحل من عنده.

Map Data
Map data ©2016
Map DataMap data ©2016
Map data ©2016

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح