The Definitive Guide to Living in the Capital , Cairo , Egypt

بدوية

بدوية: مفروشات يدوية في المعادي

  • 153 شارع برج الحرية
  • أثاث ومستلزمات منزل
  • 0223581778,0223803934
  • 10 صباحاً - 10 مساءً
تم التقييم بواسطة
Janan Omar
قيم
قيم الآن
بدوية: مفروشات يدوية في المعادي

السجاجيد اللي بـ تبقى منسوجة يدوي،
النجف النحاس اللي تفاصيله دقيقة جداً، والأثاث البامبو المتين، كل ده مجرد جزء من
الحاجات الكتيرة اللي موجودة في «بدوية». محل ديكور وهدايا للبيت موجود في الدور
اللي تحت الأرضي في عمارة سكنية في المعادي.

المحل ده موجود بقاله كام سنة، بس لأن
موقعه مش باين فمش معروف كفاية. العمارة موجودة بعد الكوبري اللي بـ يخَرَج من المعادي
على طول والناس بـ تبقى مِعَدِية بسرعة ومش بـ تاخد بالها منه. وغير كل ده طبعاً
فيه مشكلة الركنة، والأحسن إنك تروحله مَشي عشان توفر على نفسك المشكلة ديه.

أول حاجة هـ تلاحظها هناك هي الأثاث
البامبو اللي محطوط جنب المدخل على طول، الكراسي والترابيزات البامبو اللي
هناك  بـ تنفع جداً للفرش الخارجي للحدائق والفراندات
وأسعار البامبو في «بدوية» مناسبة جداً، الحاجات عنده بنص الثمن اللي في المحلات
المعروفة وكمان جودتها عالية. المحل ممكن يبقى مكان مناسب جداً ليك لو انت عايز تفرش
البَلكونة أو الجنينة بتاعة بيتك. فيه برضه شوية إكسسوارات تنفع للبيت، وأغلبها
تنفع بالأخص للحمامات.

من أكتر الحاجات المحبوبة في «بدوية»
وحدة التخزين اللي عبارة عن برواز خشب وأدراج بامبو بتـ تفتح وتـ تقفل بسهولة، وفي
تشكيلة كبيرة من الألوان بس بالطلب، وكمان أسعارها معقولة ما بين 400 و800 جنيه
على حسب المقاس وعدد الأدراج أوالأرفف.

“كف فاطمة” التقليدي بـ يتباع
كمان هناك كزينة للبيت ومعمول من الصفيح ومتزين بالخط العربي أو بالعين الزرقاء (بحوالي
15 جنيه)، أما المرايات اللي في براويز نحاس كانت بـ تبتدي من 30 جنيه للواحدة. «بدوية»
كمان عنده حاجات زي الجلاليب، الچاكيتات الجلد الرجالي وسراير الأطفال. كل
المنتجات مُصنعة محلياً ويدوياً، وده طبعاً بـ يضيف لها سحر خاص.

النجف النحاس التقليدي  اللي بقى منتشر قوي دلوقتي موجود هناك برضه بس
بأسعار رخيصة جداً بالمقارنة مع محلات تانية، وبـ يبتدوا من 300 جنيه. لو مش عايز
نجفة نحاس بس عايز تضيف حاجة شرقية لبيتك ممكن تشوف المنتجات الصغيرة التانية اللي
متوفرة هناك زي الأباچورات مثلاً.

نصيحة 360

بما ان الأثاث مصنوع عندهم، ده بـ يخلّيك تقدر تديهم مقاسات معينة وهُمّا يعملوا لك عليها اللي انت عايزه بالمقاسات اللي تناسب بيتك.

أحسن حاجة

كل المنتجات مصنوعة محلياً وأسعارها مناسبة جداً، ممكن ده يكون بسبب موقع المحل اللي بـ يخليه محتاج يغري الزبون بأسعار أقل من العادي.

أسوأ حاجة

الركنة قُدام المحل ممنوعة لانه الشارع الرئيسي اللي بـ يخَرَج من المعادي بعد الكوبري على طول. الحل إنك تاخُد أول أو تاني يمين يقابلك وتدَوَر على ركنة وتتمشى للمحل.

Map Data
Map data ©2016
Map DataMap data ©2016
Map data ©2016

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح