The Definitive Guide to Living in the Capital , Cairo , Egypt

بول & بير

بول & بير: ملابس كاجوال على الموضة وأسعارها معقولة في سيتي ستارز

  • سيتي ستارز مول - شارع عمر بن الخطاب - المرحلة الأولى - الدور الأول
  • أحذية
  • 0224802915,0224802916
تم التقييم بواسطة
Anne de Groot
قيم
قيم الآن
بول & بير: ملابس كاجوال على الموضة وأسعارها معقولة في سيتي ستارز

شهر بـ يعدي وراء شهر وإحنا بـ نمر من أمام محل فاضي عليه إعلان أن هـ
يفتتح هنا محل «بول & بير – Pull & Bear»، صبرنا كان بـ ينفذ كل ما كنا بـ نشوفه لكن اللى هون
علينا أننا شفنا العمال طالعين داخلين على المكان وشغالين من نار فـ عرفنا أن
الموضوع قرب. وأخيرًا أول ما فتح “بول & بير” أبوابه جرينا داخل المكان وكلنا حماس لكن للأسف خاب
ظننا من الفرع ده بعد زيارته.

الفكرة أننا كان عندنا آمال كبيرة أن الفرع ده هـ يكون أكبر وفيه معروضات
أكثر من اللى موجودة في فرع المهندسين، لكن للأسف لقيناه كمان أصغر منه وموجود فى
ركن فى الدور الأول بالمرحلة الأولى (جنب محل “زارا – Zara” الضخم). وأكثر حاجة
هـ تلاحظها هناك أن ركن الرجال أكبر من السيدات، لكن إزاي؟ إحنا حاسين أننا مش فى بول
& بير اللى نعرفه. جودة الملابس إلى حد ما جيدة وأغلب
الأسعار معقولة، من الحاجات الحلوة أن بـ ييجي لهم تشكيلة ملابس جديدة كل ستة
أسابيع، وبالتالى فرصتك أنك تلاقي موديلات جديدة كل فترة أفضل.

ستايل الملابس في بول & بير مريح ومن النوع الكاجوال اللى فيه جانب مرح، وبالتالى تحس
أنهم مستهدفين شباب كايرو، التى شيرتات على سبيل المثال بـ يكون عليها غالبًا
مطبوعات أو كلام مرح. وغالبًا تلاقيهم برضه بـ يتبعوا تيمة معينة كل فترة فى
التصميمات زي المتعلقة بشخصيات ديزنى، لونى تونز، أو مدينة نيويورك وبـ تبدأ من 79
جنيه للسيدات وبـ 129 جنيه للرجال. سعر بنطلون الجينز في بول & بير بـ يبدأ من 399 جنيه للسيدات وبـ 499 جنيه للرجال. وسعر
السويت شيرت بالكابوشو (غطاء الرأس) بـ 299 جنيه للجنسين.

“بول & بير” عندهم صف كبير من الفساتين اللطيفة على الرغم من أنهم غاليين شوية
وأغلبهم عليه رسومات بنانيتي وورد بـ 399 جنيه، وبالنسبة للأحذية هناك مش هـ تقعد
أمامها كثير لأنها بلاستيك وجودتها رديئة وسعرها غالي، لقينا هناك صنادل تصميمها
بسيط بـ 459 جنيه، فى حين أن الجزم الباليرينا بـ يتراوح سعرها بين 259 و499 جنيه،
الاثنين سعرهم عالي قوي بالمقارنة بمثيلاتهم في أى مكان ثاني.

لو بـ تدور
على بالطو روح المحل بالتأكيد، أغلبها بـ يتراوح سعرها بين 499 و799 جنيه. والسعر
الثانى ده ممكن تجيب به بالطو أسود بياقة فرو، أغلب البالطوهات مش مرتبطة بموسم
معين وتقدر تلبسها بسهولة لموسمين متتاليين أو أكثر. أفضل شيء بالنسبة لـ “بول
& بير” هي التخفيضات بالتأكيد اللى فيه بـ تلاقى خصم على المعروضات بـ يوصل
إلى 50% لأن المعروضات بـ تتغير في وقت قليل، وبالتالى ممكن تلاقى عندهم تخفيضات
طوال الوقت. طاقم العمل هناك ودود وتلاقيه وقت ما تحتاجه رغم أنهم مشغولين دائمًا
بـ توضيب المعروضات. لكن مازلنا بـ نفضل فرع المهندسين على اللى موجود في سيتي
ستارز.

نصيحة 360

موقع "بول & بير" على الإنترنت بـ يعرض فيه المجموعة الكاملة للملابس وأسعارها، فممكن تدخل عليه قبل ما تروح المحل.

أحسن حاجة

ملابس على الموضة ومتجددة كل شوية.

أسوأ حاجة

المحل صغير قوي.

Map Data
Map data ©2016
Map DataMap data ©2016
Map data ©2016

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح