The Definitive Guide to Living in the Capital , Cairo , Egypt

تسوق
تاتا تيو – Tata Tio

تاتا تيو: سلسلة محلات أحذية رخيصة وشيك في القاهرة

  • 100 شارع الميرغني
  • أحذية
  • 11 صباحاً - منتصف الليل -
تم التقييم بواسطة
Basma Mostafa
قيم
قيم الآن
تاتا تيو: سلسلة محلات أحذية رخيصة وشيك في القاهرة

جملة “بوز جزمتك يدل على أنوثة طاغية”!
اللي قالها فؤاد المهندس في فيلم «مطاردة غرامية”» ماكانش مجرد إفيه في فيلم
والسلام٬ الجزم فعلاً بالنسبة للستات ليها وضع خاص٬ ومفيش حاجة هـ تبسط سيدة زي
جزمة جديدة شكلها حلو عليها وملفتة للنظر. «تاتا تيو –
Tata Tio» بـ يدي الفرصة للسيدات انهم يشتروا جزمة كل شوية
على الموضة الجديدة من غير مايرهقوا جيوبهم ولا جيوب أزواجهم.

من ساعة ما تم إفتتاحه في 2007 وهو منافس في
الجزم الرخيصة الموضة لمكتسح السوق المشهور «
Club Aldo». «تاتا تيو» محل عارف يجمع بين التصميمات الجميلة والموديلات
العملية، هـ تلاقي عنده صنادل وجزم باليرينا وبوتات وأجز
UGGS تقليد٬ وكل ده بأسعار معقولة جداً. يعني باليرينا
مثلاً بين 60 و100 جنيه٬ ده غير ان الأسعار بـ تنزل جامد في موسم الأوكازيون.

وطبعاً لما بـ تدفع تمن قليل كده٬ لازم تبقى عارف
انك بـ تضحي بالجودة وان السلعة تبقى معمرة. ماتتوقعش من جزمة من «تاتا تيو» انها
تقعد أكتر من شهرين أو ثلاثة٬ خاصة مع شوارع القاهرة. ومع ذلك الجزم اللي بـ يبيعها
ظريفة وعملية وألوانها مبهجة. وأحلى جزئية انك بـ تبقى عارف انك ممكن كمان شوية
ترجع تجيب واحدة تانية من غير ماتخلص المرتب كله.

بجانب تشكيلة الأحذية بتاعة «تاتا تيو» فيه
مجموعة شنط عملية وجذابة٬ وبـ تستحمل أكتر من الأحذية. الشنطة  هناك ما بـ يزيدش سعرها عن 200 جنيه٬ ولو حاجة
صغيرة بـ تتمسك في الإيد ممكن تبدأ من 60 جنيه.

بالرغم من ان المحل متابع أحدث موضة على طول٬ إلا ان
التشكيلة اللي عنده محدودة ومش دايماً بـ يبقى عنده كل التصميمات ولا كل المقاسات.
ومع ذلك ال
جزم اللي بـ يبيعها هـ تشوفها على ناس كتير في الشارع، وهـ تبقي عايز تروح
تجربه بنفسك.

نصيحة 360

حاول تروح أول ما تنزل موديلات جديدة عشان بـ تخلص بسرعة ومش بـ يجيبوا منها تاني.

أحسن حاجة

«تاتا تيو» بـ يتوسع بسرعة ومكان ما تكون هـ تلاقي له فرع.

أسوأ حاجة

غير ان تشكيلتهم محدودة شوية٬ المسئولين عن البيع مش باللطف المطلوب.

Map Data
Map data ©2016
Map DataMap data ©2016
Map data ©2016

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح