The Definitive Guide to Living in the Capital , Cairo , Egypt

ذا نت شوب – The Nut Shop

تسالي ومكسرات باب اللوق: كاﭼو وبندق طازة في وسط البلد

  • 23 شارع نوبار
  • خضروات وفاكهة
  • 01286455541
تم التقييم بواسطة
Hannah Cooper
قيم
قيم الآن
تسالي ومكسرات باب اللوق: كاﭼو وبندق طازة في وسط البلد

في أي شارع في القاهرة رئيسي أو جانبي سهل إنك تلاقي محلات لب وسوداني
ومكسرات، طبعاً بـ يبقى إسم المحل دايماً “تسالي ….” وغالباً بـ تاخد
اسم الشارع أو المنطقة اللي هو فيها، وبـ تعرض منتجاتها على شكل الهرم الشهير ورا
إزاز الكاونتر، عشان تلفت النظروسط كل محلات الأكل في شوارع القاهرة.

في شارع نوبار في باب اللوق جنب مطعم «الشبراوي» هـ تلاقي محل التسالي اللي
بـ نتكلم عنه، من أماكنا المفضلة اللي بـ نقف عندها كتير وإحنا معديين على وسط
البلد عشان نجيب مكسرات أو أي تسالي. بأول نظرة هـ تحس أنه مجرد مقلة لب، بس لما
تركز هـ تلاقي أنها أكتر من مجرد محل تسالي. طبعاً فيه لب وبونبون وحلويات وحاجات
تانية، يعني المحل مش من بتوع الصنف الواحد.

الفول السوداني المملح بـ 8 جنيه الربع كيلو، الكاﭼو بقى وهمي ومقرمش ومملح
ونكهته قوية، وياسلام لو إتحط في سلاطة زبادي أو سلاطة خضراء، وسعره بقى مفاجأة
بالنسبة لأي محل مكسرات تاني، يعني الربع كيلو بـ 16 جنيه بس.

لو بـ تدور على حاجة مميزة وتستاهل القرمشة؛ جرب السوداني المتغطي
بالشيكولاتة. وعشان الربع كيلو ده هو الكمية المتعارف عليها في المحلات من النوع
ده، ربع السوداني بالشيكولاتة بـ 12 جنيه. فيه كمان بندق بـ قشره الربع بـ 18 جنيه
وده زيه زي الكاﭼو بـ يخلص بسرعة قوي.

اللي شغالين في المحل شاطرين قوي وهـ يخدموك بسرعة ومفيش عَطَلة حتى لو في
زحمة، والظريف أنك ممكن تجرب أي حاجة وتدوقها قبل ما تشتري، موظفين المحل هـ
يرحبوا جداً بالموضوع ده.

نصيحة 360

هات شوية سوداني بالشيكولاتة وحطه على آيس كريم.. وإستمتع.

أحسن حاجة

الكاﭼو الفريش بأسعار رخيصة.

أسوأ حاجة

ممكن يبقى زحمة قوي ساعات، والبضاعة مش أحسن من أماكن تانية كتير، بس الأسعار كويسة والحاجة فريش فـ مش مشكلة قوي.

Map Data
Map data ©2016
Map DataMap data ©2016
Map data ©2016

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح